Age of Empires III

Age of Empires III é un videoxogo de estratexia en tempo real desenvolvido por Ensemble Studios, de Microsoft Corporation, e distribuído por Microsoft Game Studios. Foi deseñado por Bruce Shelley.^[1] A versión Mac foi adaptada e distribuída por Destineer de MacSoft. A versión de PC foi estreada o 18 de outubro de 2005 en América do Norte, e o 4 de novembro de 2005 en Europa, mentres que a versión Mac foi estreada o 21 de novembro de 2006 en América do Norte e o 29 de setembro de 2006 en Europa. A versión de N-Gage foi desenvolvida por Glu Mobile e foi estreada o 28 de abril de 2009.^[2][3][4] É o terceiro xogo da serie Age of Empires e a secuela de Age of Empires II: The Age of Kings.

Age of Empires III
Tipo	videoxogo e disciplina de deporte electrónico
Xénero artístico	videoxogo de estratexia en tempo real
Linguas lingua inglesa lingua italiana lingua alemá lingua francesa lingua castelá
Autoría
Compositor/a	Stephen Rippy
Tradutores  Logrus
Temática
Ambientado en	Estados Unidos de América
Publicación
Data publicación	29 de setembro de 2006 macOS (Europa) 4 de novembro de 2005 Microsoft Windows (Europa) 21 de novembro de 2006 macOS (América do Norte) 18 de outubro de 2005 Microsoft Windows (América do Norte) 28 de abril de 2009 N-Gage 30 de abril de 2009 Windows Mobile
País orixe	Estados Unidos de América
Editorial	Xbox Game Studios e 1C Company
Distribuidor/a	Steam e Humble Store
Formato de distribución	disco compacto, distribución dixital e DVD
Número de
Parte da serie	Age of Empires
Puntuación da crítica
Puntuación crítica  6/10, Canard PC  81/100, Metacritic  73/100, Kritikanstvo
Videoxogo
Desenvolvedor	Ensemble Studios, MacSoft Games, Robot Entertainment (pt) , Glu Mobile e Big Huge Games (pt)
Plataforma	Microsoft Windows, macOS, Windows Mobile e N-Gage
Modo de xogo	videoxogo multixogador e videoxogo para un xogador
Clasificación	PEGI USK
Contacto
Páxina WEB	ageofempires3.com
Redes
[ Wikidata ]

Para a serie de videoxogos, vexa Age of Empires.

O xogo recrea a colonización europea de América, entre os anos 1492 e 1876. Hai catorce civilizacións dispoñibles no xogo. Age of Empires III supuxo numerosas innovacións na serie, en particular coa achega da "Home City", que mestura estratexia en tempo real e xogo de rol. Tivo dúas expansións: a primeira, Age of Empires III: The WarChiefs, foi estreada o 17 de outubro de 2006 e introduciu tres civilizacións nativas americanas; a segunda, Age of Empires III: The Asian Dynasties, foi estreada o 23 de outubro de 2007, e inclúe tres civilizacións asiáticas.

Age of Empires III vendeu máis de 2 millóns de copias até maio de 2008. Ademais, recibiu críticas favorables e numerosos premios incluíndo "Best RTS game of 2005" de GameSpy. Foi un dos xogos máis vendidos do ano 2005.^[5] En 2007, Age of Empires III foi o sétimo videoxogo mellor vendido, con máis de 313 000 copias vendidas ese ano.^[6]