Aeroporto de Donostia
From Wikipedia, the free encyclopedia
O Aeroporto de Donostia (IATA: EAS, OACI: LESO) é un aeroporto xestionado por Aena situado no concello de Hondarribia (Guipúscoa), na fronteira de España con Francia, a 20 quilómetros da cidade de Donostia.
Aeroporto de Donostia Donostiako aireportua Aeropuerto de San Sebastián | |||
|---|---|---|---|
 | |||
| |||
| Sumario | |||
| Tipo | Público | ||
| Propietario | AENA | ||
| Cidade/Illa | Donostia | ||
| Localización | Hondarribia | ||
| Elevación (msnm) | 4,90 metros / 16 pés | ||
| Pista(s) | |||
| Dirección | Longo | Superficie | |
| metros | pés | ||
| 04/22 | 1.754x45 | 5.755x148 | asfalto |
| Estatísticas (2013) | |||
| Número de pasaxeiros | 244.952 | ||
| Operacións | 6.237 | ||
| Carga (ton.) | 20.416 | ||
O aeroporto foi inaugurado o 22 de agosto de 1955 e foi aberto oficialmente ao tráfico aéreo tanto nacional como internacional de turismo o 29 de agosto de 1955. A compañía aérea Aviaco foi a primeira en operar no aeroporto, a partir do 2 de setembro do mesmo ano. A pista orixinalmente medía 1.200 metros e a súa orientación era 05/23. Esa orientación obrigaba aos avións a sobrevoar territorio francés, o que supuxo as protestas inmediatas por parte do goberno galo. Ademais, a falta de instalacións obrigou a acondicionar como terminal de pasaxeiros unha fábrica de conservas próxima.
En xullo de 1957, o encontro entre delegacións española e francesa permitiu chegar a un acordo de límites para a explotación do aeroporto. Este acordo, que entrou en vigor en xuño de 1959, permitiu establecer as servidumes aeronáuticas do aeroporto pero impuxo a prohibición de usar o aeroporto por parte dos avións a reacción.
En xullo de 1961, concluíronse as obras de ampliación da pista, que pasa a ter 1.500 metros de lonxitude despois dos 1.200 iniciais.
Entre 1964 e 1965, ampliouse o aparcadoiro de avións, construíuse a torre de control e o aeroporto recibiu oficialmente o nome actual (aeroporto de San Sebastián). En 1967 comezaron os traballos para a construción da terminal de pasaxeiros, que se inaugurou en 1968. En decembro de 1969, o aeroporto pechouse ao tráfico para proceder a unha nova prolongación ata os actuais 1.754 metros.
O 18 de marzo de 1992, España e Francia asinaron un novo acordo. Con el, suprimíase a prohibición de voos de avións a reacción á vez que se limitaba o número cotián de movementos, fóra do horario nocturno.
Xa no século XX o goberno propuxo a ampliación da pista en 600 metros pero en xullo de 2006 o Ministerio de Fomento decidiu non ampliala. En xullo de 2009 presentouse un novo proxecto para ampliar a pista en 150 metros cara Irún e 50 metros cara ao mar. De momento as obras están paradas debido a crise económica do país.
| Aeroliñas | Destinos
|
|---|---|
| Iberia operado por Air Nostrum | Madrid Estacional: Londres-Luton, Palma de Mallorca |
| Vueling | Barcelona |
Outros artigos
Ligazóns externas
- Páxina oficial do Aeroporto de Donostia na web de AENA Arquivado 25 de marzo de 2014 en Wayback Machine. (en castelán)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
