A Braña, Baleira
parroquia civil do concello de Baleira From Wikipedia, the free encyclopedia
San Miguel da Braña é unha parroquia do concello lugués de Baleira. No ano 2013 tiña 61 habitantes, agrupados en 3 entidades de poboación (Abrairas, con 13 habitantes, A Braña con 16 e Millares con 32), cunha densidade media de 11 hab/km².
Para outras páxinas con títulos homónimos véxase: A Braña.
| A Braña | |
|---|---|
 Igrexa parroquial | |
| Concello | Baleira[1] |
| Provincia | Lugo |
| Coordenadas | 43°05′00″N 7°16′00″O |
| Área | 5,55 km² |
| Poboación | 52 hab. (2019) |
| Densidade | 9,37 hab./km² |
| Entidades de poboación | 3[1] |
| [ editar datos en Wikidata ] | |
A súa altitude media é de 620 metros. Limita coas parroquias de Retizós (ao norte), Cubilledo (ao leste) e Fonteo (ao sur), e con Montecubeiro ao oeste (xa do concello de Castroverde).
Pertence ó arciprestado de Luaces. Era beneficio eclesiástico que presentaba o Marqués de Alcañices e o Señor de Vilacide. Noutros documentos figura coma presenteiro o Conde de Villanova de Caneda.
Entre os seus monumentos relixiosos destaca a Capela de Abrairas e a igrexa parroquial.
A capela de Abrairas é unha pequena capela de planta rectangular de construción popular. Solicitouse a construción en 1766 alegando que estaba moi distante á igrexa parroquial, máis dun cuarto de legua, e que o camiño tiña moita lama cando chovía. Foi bendita en 1769. Os muros son de cachotaría e cantaría de granito e lousa, e a cuberta de lousa a dúas augas. Coñécese baixo a advocación de San Ramón Nonato.
A igrexa parroquial de San Miguel sitúase na aldea da Braña. Foi edificada no século XVII, con profundas reformas ao longo do tempo. Ten planta rectangular e presbiterio da mesma forma. Nun lateral está acaroada a sancristía, de planta rectangular e con acceso dende o presbiterio e dende fóra por unhas portadas alinteladas. Os muros que a conforman son de cachotería e cantería de granito e lousa, e a cuberta de lousa a dúas e catro augas. O arco triunfal de acceso ao presbiterio é de medio punto con imposta. A portada principal é alintelada e culmina no frontis cunha espadana sinxela dun só van. Só conserva un retablo na capela maior, de estilo barroco.
Lugares da Braña
| Lugares da parroquia da Braña no concello de Baleira (Lugo) | |
|---|---|
Fachada leste
Vista desde o adro
Parroquias de Baleira
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
