Ácido nítrico

O ácido nítrico (HNO₃) é un ácido forte monoprótico. É un líquido viscoso e corrosivo que pode ocasionar queimaduras graves nos seres vivos. Úsase como reactivo de laboratorio e para fabricar explosivos como a nitroglicerina e o trinitrotolueno (TNT), así como fertilizantes como o nitrato de amonio. Ademais, emprégase en metalurxia e en refinado, ó reaccionar coa meirande parte dos metais e na síntese química. Cando se mestura co ácido clorhídrico forma a auga rexia, un reactivo capaz de disolver o ouro e o platino. É un compoñente da choiva ácida.

Molécula de ácido nítrico.

Na industria química, o ácido nítrico emprégase co amoníaco para producir nitrato de amonio, un fertilizante.

Foi usado como protector da corrosión do aceiro no espazo exterior.^[1]

Notas

1. esa. "Can citric acid be a green alternative to protecting steel?". European Space Agency (en inglés). Consultado o 2019-09-29.