![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/Yoshitoshi_The_Heavy_Basket.jpg/640px-Yoshitoshi_The_Heavy_Basket.jpg&w=640&q=50)
Yōkai
Clase de criaturas da cultura xaponesa / From Wikipedia, the free encyclopedia
Yōkai (妖怪?, pantasma, aparición) son unha clase de monstros sobrenaturais, espíritos e demos do folclore xaponés. A verba yōkai está composta do kanji para "fascinante; atractivo; calamidade"; e "espectro; aparición; misterio; suspicaz".[1] Tamén son chamados ayakashi (あやかし?), mononoke (物の怪?), ou mamono (魔物?). Os yōkai son moi diversos e hainos dende malévolos até fedellos, e en ocasións atraen a boa sorte de quen se encontra con eles. En ocasións posúen trazos animais (como os kappa, que son semellantes a tartarugas, ou os tengu que teñen ás), noutras ocasións poden parecer humanos, obxectos inanimados ou non teñen forma discernible. Os yōkai adoitan ter poderes espirituais ou sobrenaturais, sendo a metamorfose un dos poderes máis comúns entre eles. Os yōkai que teñen a habilidade de metamorfosearse son chamados bakemono (化物) / obake (お化け).
![](http://upload.wikimedia.org/wikipedia/commons/thumb/d/d9/Yoshitoshi_The_Heavy_Basket.jpg/640px-Yoshitoshi_The_Heavy_Basket.jpg)
![]() |
Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros. |
Os folcloristas e historiadores xaponeses empregan o termo yōkai como "fenómenos sobrenaturais ou inexplicables para os seus informantes". No período Edo, moitos artistas como Toriyama Sekien, crearon yōkai inspirados nas tradicións ou na súa propia imaxinación, e no presente, numerosos yōkai creados por eles (como Kameosa e Amikiri) son considerados como de orixe lendaria.[2]