![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d3/KyosaiTenguBonze.jpg/640px-KyosaiTenguBonze.jpg&w=640&q=50)
Tengu
From Wikipedia, the free encyclopedia
Tengu (天狗?, "cans celestiais") son unha clase de criatura lendaria da mitoloxía xaponesa e tamén son considerados unha clase de deidade do xintoísmo (kami) ou yōkai (ser sobrenatural). Malia que teñen un nome semellante ó do can demo chinés (Tiangou), os tengu orixinalmente adoptaban a forma de aves de presa, e polo xeral son representados con características de paxaros e de humanos. Os tengu máis antigos eran representados con peteiros, mais esta característica foi humanizada como un nariz contranaturalmente longo, que no presente está considerada a característica que define ós tengu no imaxinario popular.
![](http://upload.wikimedia.org/wikipedia/commons/thumb/d/d3/KyosaiTenguBonze.jpg/640px-KyosaiTenguBonze.jpg)
![]() |
Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros. |
Segundo a tradición budista os tengu eran demos perturvadores e presaxios de guerra. En ocasións, a súa imaxe foi suavizada cara a un espírito protector, aínda que perigoso, das montañas e dos bosques. Os tengu están asociados coa práctica ascética de Shugendō, e polo xeral represéntanse coas vestimentas dos seus seguidores, os yamabushi.