![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/97/Reglas.svg/langgl-640px-Reglas.svg.png&w=640&q=50)
Xogo de escuadros
From Wikipedia, the free encyclopedia
Un xogo de escuadros[1][2] é un conxunto de obxectos usados en enxeñaría e debuxo técnico, co obxectivo de proporcionar un ángulo recto ou outro ángulo plano particular a unha liña de base.
![Thumb image](http://upload.wikimedia.org/wikipedia/commons/thumb/9/97/Reglas.svg/640px-Reglas.svg.png)
A forma máis sinxela de escuadro é unha peza triangular de plástico transparente (ou antes de madeira puída) co centro eliminado. Os bordos exteriores son normalmente biselados. Os triángulos acostuman ter dúas formas habituais, ambos triángulos rectángulos: un con ángulos de 90-45-45 graos, o outro con ángulos de 30-60-90 graos. A combinación das dúas formas colocando as hipotenusas xuntas produce ángulos de 15° e 75°. Comunmente o xogo leva un escuadro, un cartabón,[3] unha regra, un transportador de medio círculo e adoita incluír un compás. Atópase menos o xogo de escuadros axustable. Aquí, o corpo do obxecto córtase pola metade e únese de novo cun gonzo marcado con ángulos. O axuste do ángulo marcado producirá calquera ángulo desexado até un máximo de 180°.