![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a6/Leaf_anatomy_universal.svg/langgl-640px-Leaf_anatomy_universal.svg.png&w=640&q=50)
Xilema
From Wikipedia, the free encyclopedia
O xilema[1] é un tecido condutor das plantas vasculares xerado a partir do cámbium, e permite o transporte da auga e sales minerais extraídas do solo mediante as raíces ata as follas para realizar a fotosíntese. Tamén lle dá resistencia á planta cando está lignificado.
![Thumb image](http://upload.wikimedia.org/wikipedia/commons/thumb/a/a6/Leaf_anatomy_universal.svg/320px-Leaf_anatomy_universal.svg.png)
O xilema forma parte dos tecidos vasculares, xunto co floema. O tecido normalmente encóntrase no cilindro vascular. A palabra xilema deriva do grego ξύλον xylon 'madeira', e nas plantas leñosas a maior parte da madeira é xilema. Nas plantas leñosas xeralmente o xilema do centro da planta non é xa funcional.