![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5c/Ir%25C3%25A1n_%2528RPS_16-10-2019%2529_comprando_en_el_bazar.jpg/640px-Ir%25C3%25A1n_%2528RPS_16-10-2019%2529_comprando_en_el_bazar.jpg&w=640&q=50)
Xador
vestimenta iraniana / From Wikipedia, the free encyclopedia
Un xador[1] ou xadur[2] (en persiano: چادر châdor) é unha peza de vestir ampla e habitualmente de cor negra coa que algunhas mulleres musulmás, especialmente nas zonas urbanas ou rurais do Irán e dalgúns outros países de Asia central cobren a cabeza e o corpo, deixando unicamente á vista a cara[3].
![Thumb image](http://upload.wikimedia.org/wikipedia/commons/thumb/5/5c/Ir%C3%A1n_%28RPS_16-10-2019%29_comprando_en_el_bazar.jpg/640px-Ir%C3%A1n_%28RPS_16-10-2019%29_comprando_en_el_bazar.jpg)
O xador consistente nunha simple peza de tea semicircular aberta por diante que se coloca sobre a cabeza, cubrindo todo o corpo agás a cara. Ás veces axústase ao pescozo, a un costado, cun alfinete decorativo. Segundo as relixións pode ser negro ou a cores, a miúdo estampados. Esta peza ponse por riba de todas as outras e, especialmente no campo, pode ser máis curta.
A tradición de cubrir a testa é frecuente en diversas relixións orixinadas en pobos semíticos, incluídos o xudaísmo e mailo cristianismo, porén o seu uso é pouco frecuente actualemnte e adoita estar restrinxido a cerimonias relixiosas (mantilla, veo). Con todo, cómpre non confundir o xador con outras pezas de vestimenta usadas no islam coma o hixab, a amira, o nicab, o burca ou a abaia.
![Thumb image](http://upload.wikimedia.org/wikipedia/commons/thumb/7/7d/Abyaneh_costume.jpg/320px-Abyaneh_costume.jpg)
Coa Revolución islámica de 1979 impúxose o uso obrigatorio no Irán, situación que aínda se mantén, con certa relaxación na súa forma e deseño.[4][5]