Viola (xénero)
xénero de plantas / From Wikipedia, the free encyclopedia
As violas ou violetas son plantas herbáceas do xénero Viola, da familia das violáceas con talos rastreiros, follas radicais con pecíolos longos ou curtos, ásperas e en forma de corazón, lanceoladas, ovais, con forma de ril, setadas etc. cos bordos festonados, lisos ou dentados. Producen flores miúdas de cor azul intensa, morada clara, violeta, púrpura, branca ou amarela, de talo longo e magro. Algunhas posúen un suave recendo moi apreciado en perfumaría, son famosas as violas da rexión de Tolosa en Francia e algunhas especies medran bravas en Galiza[1]. Empréganse coma plantas ornamentais en vasos e xardíns. Recoñécense coma sinal da modestia por mor a que as súas floriñas semellan agocharse timidamente baixo as súas follas grandes e en forma de corazón.
violas (xénero Viola) | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Clasificación científica | |||||||||||||||||||
| |||||||||||||||||||
Especies seleccionadas | |||||||||||||||||||
Véxase no texto. | |||||||||||||||||||
Sinonimia | |||||||||||||||||||
|
En Galiza aparecen algunhas especies bravas como:
- Viola riviniana, viola brava, a especie máis común das carballeiras, claros de bosque e prados húmidos e sombrizos de toda Galiza[2].
- Viola tricolor, herba da trindade[3], da que sae a coñecida ornamental Viola x wittrockiana (pensamento).
- Viola odorata, viola de cheiro.
- Viola palustris, viola de braña.
- Viola canina, viola de can[4].