![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5c/Adherens_Junctions_structural_proteins_gl.svg/langgl-640px-Adherens_Junctions_structural_proteins_gl.svg.png&w=640&q=50)
Zonula adhaerens
From Wikipedia, the free encyclopedia
Unha zonula adhaerens (tamén escrito zonula adherens) tamén chamada unión adherente ou desmosoma en banda[1] é un conxunto de complexos proteicos que aparecen nas unións entre as células dos tecidos epiteliais. A cara citoplasmática destas unións está unida ao citoesqueleto de actina. Están situadas xeralmente nunha posición máis basal ca as unións herméticas. Aparecen xeralmente como bandas que rodean a célula.
![Thumb image](http://upload.wikimedia.org/wikipedia/commons/thumb/5/5c/Adherens_Junctions_structural_proteins_gl.svg/320px-Adherens_Junctions_structural_proteins_gl.svg.png)
Unha unión celular parecida que se chama fascia adhaerens aparece en células non epiteliais, como as células musculares cardíacas. É estruturalmente igual, pero aparece formando patróns con forma de fita que non rodean por completo a célula.
Cómpre distinguir entre zonula adhaerens (desmosoma en banda), macula adhaerens (desmosoma puntual), e hemidesmosoma, consultando os artigos correspondentes.