Tranvía de Sóller
From Wikipedia, the free encyclopedia
O Tranvía de Sóller é unha liña de tranvía situada na localidade balear de Sóller, na illa de Mallorca, España. Foi inaugurado oficialmente o 4 de outubro de 1913 e une a localidade de Sóller co seu porto marítimo. Circula polas rúas do centro de Sóller e cruza os campos e hortos de cítricos, e pasados estes transcorre en paralelo á estrada do porto (Ma-11), sobre unha vía de 914 mm de largo, idéntica á do ferrocarril de Sóller. O seu trazado é obra do enxeñeiro Pere Garau i Canyelles, que tamén deseñou a liña de ferrocarril que vai de Palma a Sóller.
O tranvía é un dos principais elementos representativos desta localidade de Mallorca, e é bastante frecuentado polos turistas, especialmente durante o verán.[1]