Småland
provincia histórica de Suecia From Wikipedia, the free encyclopedia
Småland ou Smolandia é unha provincia histórica ou comarca (landskap) do sueste de Suecia. Limita ao norte coa provincia de Östergötland, ao sur coas de Skåne e Blekinge, ao oeste con Halland e Västergötland, e ao leste con Öland (coa cal está conectada por unha ponte) e co mar Báltico.
| |||||
| Símbolo oficial | Linnaea borealis (flores provinciais en Suecia)  | ||||
|---|---|---|---|---|---|
| Localización | |||||
| |||||
| Estado | Suecia | ||||
| Condado | condado de Jönköping | ||||
| Poboación | |||||
| Poboación | 776.277 (2020) (26,47 hab./km²) | ||||
| Xeografía | |||||
| Parte de | |||||
| Superficie | 29.330 km² | ||||
| Punto máis alto | Tomtabacken (pt)  (377 m) | ||||
| Comparte fronteira con | |||||
| Identificador descritivo | |||||
| Fuso horario | |||||
É coñecida por ser a provincia onde naceu Linneo, Astrid Lindgren e onde se creou IKEA, que naceu como un pequeno almacén.
O nome (1240 Smalandiis) refírese aos países pequenos.[1] O nome usábase como unha designación colectiva para os moitos pequenas países que había entre Götaland e Dinamarca. O termo usouse na Idade Media como un nome alternativo para o Tiohärads lagsaga e posteriormente para outro lagsaga (distrito xudicial ou lexislativo) establecido en 1559, o lagsaga de Småland, que incluía a área da actual Småland que non pertencía ao Tiohärads lagsaga. Na década de 1560 redactouse o escudo de armas da provincia de Småland.
En 1634-1639 e 1679-1680 usouse o nome no condado de Småland, onde en 1634-1639 só se refería á área dos actuais condados de Jönköping e Kronoberg, mentres que en 1679-1680 referíase a toda Småland. No ano 1687 estabilizáronse as fronteiras terrestres, estabilizándose tamén as de Småland que, agás nos casos anteriores, nunca chegou a ser unha unidade e termos administrativos, xudiciais, militares ou eclesiásticos.[2]
A súa superficie é de 29 330 km² e en decembro do ano 2021 tiña unha poboación de 779 980 habitantes.[3]
Nas partes internas da provincia os seus solos son moi pouco fértiles por mor da morena pedregosa, e por iso os seus habitantes teñen que facer duros esforzos para cultivaren a terra.
Limitaba coas antigas provincias de Blekinge, Escania, Halland, Vestrogotia, Ostrogotia e co mar Báltico.
Na actualidade o seu territorio está repartido entre os condados de Jönköping, Kalmar e Kronoberg.[4][5][6]
Principais cidades
Existen vestixios de poboamento da rexión desde o ano 6000 a.C.
Na época dos viquingos e no comezo da Idade Media, a futura provincia histórica da Småland estaba constituída por unhas 10 "pequenas terras" autónomas (små land), unha especie de pequenas provincias históricas antigas (folkland), localizadas nesta área situada entre os territorios dos Gautas e os territorios de Dinamarca.
Obxecto de numerosas disputas militares entre gotas e daneses, e máis tarde entre suecos e daneses, Småland acabou por ser formalmente identificada como parte de Suecia contra o século XI, tal como se menciona nun primeiro tratado asinado polo rei sueco Emundo, o Vello e polo rei de Dinamarca.
No século XVI foi asolada a causa dunha rebelión campesiña contra o rei Gustavo Vasa –a Dackefejden– con caracteres dunha auténtica guerra civil.
No século XIX a pobreza da rexión levou á emigración de 200.000 persoas para os Estados Unidos.[6][7][8][9]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
