parroquia civil do concello de Silleda From Wikipedia, the free encyclopedia
San Miguel de Siador é unha parroquia que se localiza no concello de Silleda. Segundo o IGE en 2009 tiña 146 habitantes (78 mulleres e 68 homes), distribuídos en 14 entidades de poboación, o que supón unha diminución en relación ao ano 1999 cando tiña 190 habitantes. Segundo o IGE,[2] en 2023 tiña 100 habitantes (50 homes e 50 mulleres). Nesta parroquia celébranse anualmente a Romaría do Rapaz e a romaría da Saleta.
| Siador | |
|---|---|
 Campo da festa da aldea. | |
| Concello | Silleda[1] |
| Provincia | Pontevedra |
| Coordenadas | 42°40′37″N 8°15′25″O |
| Poboación | 100 hab. (2023) |
| Entidades de poboación | 14[1] |
| [ editar datos en Wikidata ] | |
A parroquia figura co nome de Senator e Seador en varios documentos medievais. É coñecida por atoparse nela o primeiro santuario de España de advocación mariana na honra da Nosa Señora da Virxe da Saleta creado en 1863, que cada 19 de setembro convoca a milleiros de peregrinos. Recentemente creouse tamén un Centro Espiritual Saletino rexentado por misioneiros da orde.
En Siador naceron o alcalde republicano de Silleda Emilio Alonso Paz; Benito Rivas Rodríguez, que foi xuíz municipal, e o seu fillo, Benito Rivas Fondevila, alcalde de Silleda entre 1971 e 1973; e Francisco María Rivas Taboada, fundador e benfeitor da Saleta, o seu fillo Elías Vicente Rivas Martínez e o fillo deste, Narciso Rivas Martínez, os dous últimos avogados.
Exiten varios castros nos termos desta parroquia, como o castro do Marco e o castro de Cartimil,así como outros restos arqueolóxicos: as mámoas de Montedas e Gandaracha e os petróglifos da Peneda do Encanto. Destaca o Pazo de Sestelo, propiedade da familia Rivas. No lugar de Penadagra atópase unha sobreira, cuxa idade se estima nuns 600 anos.
| Lugares da parroquia de Siador no concello de Silleda (Pontevedra) | |
|---|---|
|
A Barcia | Barro | O Campo | Cartimil | Cóscaros | Costoia | O Currelo | A Gouxa | O Marco | O Outeiro | Penadagra | O Redondo | Sestelo | Siador |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
