![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bb/Rianxo_e_ria_de_Arousa.jpg/640px-Rianxo_e_ria_de_Arousa.jpg&w=640&q=50)
Ría
estuario formado polo afundimento parcial dun val costeiro de río / From Wikipedia, the free encyclopedia
A ría é unha entrada de costa, ou gran estuario, que se formou polo afundimento parcial dun val costeiro de río[1]. As rías diferéncianse dos fiorde porque o val non tivo unha orixe glacial. Apareceron durante a regresión do último período glacial, que foi o Holoceno [2].
![Thumb image](http://upload.wikimedia.org/wikipedia/commons/thumb/b/bb/Rianxo_e_ria_de_Arousa.jpg/640px-Rianxo_e_ria_de_Arousa.jpg)
![Thumb image](http://upload.wikimedia.org/wikipedia/commons/thumb/1/1f/Marin_Vista_Xeral_desde_monte.jpg/640px-Marin_Vista_Xeral_desde_monte.jpg)
![Thumb image](http://upload.wikimedia.org/wikipedia/commons/thumb/a/a1/Fotos_Galicia_II_113.jpg/640px-Fotos_Galicia_II_113.jpg)
Do mesmo xeito que no caso dos esteiros, para a ría, a confluencia de augas de mar e río é unha das súas características determinantes. A vida nelas está determinada pola influencia equilibrada de mar e río, maiormente en canto ás súas augas e correntes, estando por un lado rexido polas subidas e baixadas das mareas e por outro condicionado polo caudal do río. Polo feito de estar situadas na parte final dun río, as rías teñen tendencia ao ateigamento, é dicir, á recepción e enchido por materiais erosivos do propio río, así como doutros arrastrados polas correntes costeiras, que ó entrar no recuncho que ofrecen as rías suavizan a súa potencia e descargan materiais.