Os pulmóns en libro,[1] pulmóns laminares,[2] pulmóns foliáceos,[2] ou filotraqueas,[2][3] son órganos respiratorios internos propios das arañas, escorpións e outros arácnidos.
![Thumb](http://upload.wikimedia.org/wikipedia/commons/thumb/2/29/Spin_vent_diag.jpg/250px-Spin_vent_diag.jpg)
1 e 3, posición dos pulmóns en libro;
4, os espiráculos traqueais;
2, as fieiras).
![Thumb](http://upload.wikimedia.org/wikipedia/commons/thumb/9/98/Comstock-book-lungs.png/640px-Comstock-book-lungs.png)
Aparecen nun número que varía dun par na maioría das arañas a catro pares nos escorpións, comunicados co exterior mediante un espiráculo ou estigma. Están consituídos por un conxunto de cavidades laminares de tecidos derivadas do hemocele que determinan unha serie de espazos adxacentes bañados alternativamente polo aire e pola hemolinfa (equivalente ao sangue dos vertebrados), e que están organizadas como as páxinas dun libro (polo que en inglés este órgano se chama book lung).[2]
Moitos arácnidos, como os ácaros, non teñen estes pulmóns e respiran soamente a través de traqueas ou da superficie do seu corpo.
As pregas maximizan a superficie exposta ao aire, e deste modo facilitan o intercambio de gases co ambiente. Na maioría das especies non se require o movemento das láminas para facilitaren a respiración.
Estes pulmóns non están evolutivamente emparentados cos pulmóns dos tetrápodos, senón que evolucionaron das branquias en libro dos xifosuros (cangrexos de ferradura e similares) e, aínda que son semellantes na súa estuctura, nos organismos acuáticos teñen unha situación diferente.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.