From Wikipedia, the free encyclopedia
Os haida[2] son un pobo indíxena que habita principalmente nas illas de Haida Gwaii, no norte da Columbia Británica, mais tamén existe un grupo coñecido como kaigani haida que vive no outro lado da entrada Dixon, na illa do Príncipe de Gales, en Alasca. Os haida ocuparon Haida Gwaii hai 12 500 anos, tempo no que os rexistros fósiles e as historias ancestrais din que a primeira árbore, un Pinus contorta, chegou a SG̱uuluu Jaads Saahlawaay, a parte máis occidental do Parque Nacional Gwaii Haanas.[3]
Pobo haida | |
---|---|
Diane Douglas-Willard, muller haida. | |
Poboación | |
Poboación total: c 2 500[1] | |
Rexións principais: | |
Aspectos culturais | |
Lingua | Lingua haida |
Relixión | relixión tradicional |
Na Columbia Británica, o termo "nación haida" refírese tanto á xente como ó seu goberno, o Consello da Nación Haida. Os kaigani haida forman parte do goberno das tribos indias tlingit e haida en Alasca.[4] A lingua haida ten sido clasificada dentro da familia na-dené, pero adóitase considerar unha lingua illada.[5]
A sociedade haida caracterízase pola súa característica e desenvolvida arte, que é referente na arte da costa noroeste. Ademais de grandes obras de madeira (tótems), o seu tecido chilkat ou a xoiaría, tamén existen movementos de expresión populares como o manga haida.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.