![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/74/Europ%25C3%25A4ischer_Seehund.jpg/640px-Europ%25C3%25A4ischer_Seehund.jpg&w=640&q=50)
Pinnípedes
From Wikipedia, the free encyclopedia
Os pinnípedes (Pinnipedia) son unha superfamilia de mamíferos carnívoros da suborde dos caniformes.
Pinnípedes Pinnipedia Rango fósil: oligoceno – holoceno (actualidade) | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
![]() Foca común | |||||||||||||||||||
Clasificación científica | |||||||||||||||||||
| |||||||||||||||||||
Subfamilias e Familias | |||||||||||||||||||
|
![](http://upload.wikimedia.org/wikipedia/commons/thumb/d/de/Noaa-walrus30.jpg/640px-Noaa-walrus30.jpg)
![](http://upload.wikimedia.org/wikipedia/commons/thumb/f/f9/Moenchsrobbe_1.jpg/640px-Moenchsrobbe_1.jpg)
Xunto cos cetáceos e os sirenios, son os únicos mamíferos adaptados á vida acuática, e adoitan vivir preto das costas, que utilizan para descansar, reproducirse e parir, estratexia reprodutora que recordan dos seus antepasados terrestres. Diferéncianse doutras especies de mamíferos mariños por teren pelo en todo o corpo e, con el e sobre todo coa grosa capa de graxa subepidérmica, conseguen o illamento térmico que precisan para a súa vida no mar.[2]
O seu corpo é alongado, coas patas curtas e as mans e os pés palmados en forma de aleta. Están presentes en todos os océanos e mares do mundo, menos no mar Caribe, onde abundaba unha especie, Neomonachus tropicalis, que se extinguiu probabelmente a mediados do século XX.
Adoitan seren gregarios, e se alimentan de peixes, moluscos e crustáceos.
Divídense en tres familias, as dos otaríidos (osos, lobos e leóns mariños), a dos fócidos (focas) e a dos odobénidos (cunha soa especie, a morsa).
O maior pinnípede é o elefante mariño, da familia dos fócidos, que pode medir ata 7 m de lonxitude.