Patrimonio da Humanidade por país
artigo de listas da Wikimedia / From Wikipedia, the free encyclopedia
En xaneiro de 2024, hai un total de 1.199 sitios do Patrimonio Mundial situados en 168 estados membros (países adheridos á Convención do Patrimonio Mundial, incluído o estado non membro da Santa Sé), dos cales 933 son culturais, 227 son naturais e 39 son propiedades mixtas.[1] Os países foron divididos polo Comité do Patrimonio Mundial en cinco zonas xeográficas: Europa e América do Norte, Latino América e o Caribe, Asia e o Pacífico, Estados árabes e África. Italia, con 59 entradas, ten o maior número de sitios Patrimonio da Humanidade.[2] A China é o segundo con 57 lugares, seguida de Alemaña e Francia con 52 sitios cada un.[3]
Dos 195 estados partes da Convención do Patrimonio da Humanidade, 27 estados non teñen propiedades inscritas na Lista do Patrimonio Mundial: Bahamas, Bután, Brunei, Burundi, as Comores, Illas Cook, Djibuti, Guinea Ecuatorial, Eswatini, Granada, Guinea-Bissau, Güiana, Kuwait, Liberia, Maldivas, Mónaco, Niue, San Vicente e as Granadinas, Samoa, San Tomé e Príncipe, Serra Leoa, Somalia, Sudán do Sur, Timor Leste, Tonga, Trinidad e Tobago e Tuvalu.[4]