![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a8/Ghetto_Vilinus.gif/640px-Ghetto_Vilinus.gif&w=640&q=50)
Partisanos xudeus
grupos de xudeus combatentes antinazis da segunda guerra mundial / From Wikipedia, the free encyclopedia
Os partisanos xudeus foron loitadores en grupos militares irregulares que participaron no movemento de resistencia xudeu contra a Alemaña nazi e os seus colaboradores durante a segunda guerra mundial. Unha serie de grupos partisanos xudeus operaron en toda a Europa ocupada polos nazis, algúns formados por fuxidos dos guetos xudeus ou dos campos de concentración, mentres que outros, como os partisanos de Bielski, contábanse por centos e incluían mulleres e nenos. Eran máis numerosos en Europa Oriental, pero tamén existían grupos na Francia e Bélxica ocupadas, onde traballaron coa resistencia local.[1] Moitos loitadores xudeus participaron noutros movementos partisanos noutros países ocupados. En total, os partisanos xudeus eran entre 20.000 e 30.000.[2]
![Thumb image](http://upload.wikimedia.org/wikipedia/commons/thumb/a/a8/Ghetto_Vilinus.gif/320px-Ghetto_Vilinus.gif)