From Wikipedia, the free encyclopedia
Olga Valentinovna Korbut[nb 1], nada en Hrodna o 16 de maio de 1955 é unha ex-ximnasta belarusa. Foi seleccionada aos 11 anos na escola deportiva do goberno.[1] Alcumada o "pardal de Minsk", gañou catro medallas de ouro e dúas de prata nos Xogos Olímpicos, nos que competiu en 1972 e 1976, para o equipo da Unión Soviética,[2] e foi a primeira seleccionada para o International Gymnastics Hall of Fame en 1988.
![]() ![]() | |
Nome orixinal | (be) Вольга Валянцінаўна Корбут (ru) Ольга Валентиновна Корбут ![]() |
---|---|
Biografía | |
Nacemento | 16 de maio de 1955 ![]() Hrodna (Unión Soviética) ![]() |
Datos persoais | |
País de nacionalidade | Unión Soviética Estados Unidos de América ![]() |
Educación | Yanka Kupala State University of Grodno (en) ![]() ![]() |
Altura | 152 cm ![]() |
Peso | 44 kg ![]() |
Actividade | |
Ocupación | ximnasta artística , actriz ![]() |
Lingua | Lingua belarusa, lingua rusa e lingua inglesa ![]() |
Nacionalidade deportiva | Unión Soviética ![]() |
Deporte | ximnasia artística ![]() |
Participou en | |
1976 | gymnastics at the 1976 Summer Olympics – women's balance beam (en) ![]() |
1972 | gymnastics at the 1972 Summer Olympics – women's floor (en) ![]() |
1972 | gymnastics at the 1972 Summer Olympics – women's balance beam (en) ![]() |
1972 | gymnastics at the 1972 Summer Olympics – women's uneven bars (en) ![]() ![]() |
Premios | |
Páxina web | olgakorbut.com ![]() |
![]() ![]() ![]() ![]() ![]() |
A pesar de que se retirase da ximnasia en 1977 con vinte e dous anos, considerada aínda nova para a ximnasia,[3] a influencia de Korbut foi ampla.[4] Os seus exercicios nos Xogos de 1972 están considerados como redefinitorios da ximnasia, cambiando o deporte para dar máis énfase á acrobacia e á técnica en vez de ao ballet e a elegancia, ademais de converter a ximnasia nun dos deportes máis populares do mundo.[3]
A nivel técnico os dous elementos máis importantes que introduciu Korbut na ximnasia artística son o "salto Korbut" (salto mortal atrás sobre a barra de equilibrios) e o "flip Korbut" (solta nas barras asimétricas en que a ximnasta se dá a volta no aire antes de volver a agarrarse á barra). O salto Korbut foi vetado debido á súa perigosidade.
A nivel popular Korbut sempre soubo atraer a atención do público e aínda que o seu palmarés non pode compararse co de Ludmilla Tourischeva, foi un ídolo de masas e contribuíu a unha difusión inédita da ximnasia. Korbut inaugurou unha nova xeración de ximnastas delgadas e con pouca estatura (medía 1,49 metros e pesaba 38 quilos), mais con gran potencia muscular e movementos explosivos.