O señor Bean

O señor Bean (título orixinal en inglés: Mr. Bean) é unha serie de televisión británica creada por Rowan Atkinson e Richard Curtis, producida por Tiger Aspect e protagonizada polo propio Atkinson. A serie componse de 15 episodios que foron escritos por Atkinson xunto con Curtis e Robin Driscoll; o episodio piloto foi escrito xunto con Ben Elton. A serie emitiuse orixinalmente a través de ITV, dende o 1 de xaneiro de 1990^[1] até o 15 de decembro de 1995.

Formato	Comedia
Creado por	Rowan Atkinson Richard Curtis
Desenvolvido por	Tiger Aspect Productions[lower-alpha 1]
Dirixido por	John Howard Davies (episodios 1–3, 15) John Birkin (episodios 4–7, 10–14) Paul Weiland (episodios 8–9)
Intérpretes	Rowan Atkinson
Tema de apertura	Howard Goodall
País de orixe	Reino Unido
Lingua(s)	Inglés
Episodios	15
Produtor(es) executivo(s)	Peter Bennett-Jones
Duración	24–26 minutos
Canle de orixe	ITV: Thames Television (1990-1992) Central Independent Television (1993-1995)
Formato de imaxe	PAL
Primeiro episodio	1 de xaneiro de 1990[1]
Derradeiro episodio	15 de decembro de 1995
Na rede
https://www.mrbean.com/
[ editar datos en Wikidata ]

Baseada nun personaxe desenvolvido orixinalmente por Atkinson mentres estudaba para o seu máster na Universidade de Oxford, a serie céntrase no señor Bean, descrito por Atkinson como "un neno no corpo dun home adulto", xa que el resolve diversos problemas que presentan as tarefas cotiás e con frecuencia provoca desordes no proceso.^[2] A serie estivo influenciada por actores de comedia física como Jacques Tati e os dos primeiros filmes mudos.^[2]

A serie emitiuse en galego a través da TVG.

Personaxes

Mr. Bean: É un neno atrapado no corpo dun adulto, algo do que non ten conciencia. A xente non o comprende, e sofre polo rexeitamento que sente por parte dos demais.

Teddy: É un osiño de peluche adaptado por Bean ó mundo real e do que non se separa xamais.

Longametraxes

En 1997, estreouse Bean, un filme baseado na serie de televisión; e en 2007 estreouse a segunda adaptación cinematográfica chamada Mr. Bean's Holiday.

Notas

1. Coñecido como Tiger Television até 1993.

Referencias

1. "Mr Bean — Timeline". Tiger Aspect Productions Ltd. Arquivado dende o orixinal o 19 de decembro de 2013. Consultado o 8 de febreiro de 2014.
2. "Atkinson has Bean there and he's done with that". Arquivado dende o orixinal o 18 de outubro de 2006.

Véxase tamén

Ligazóns externas

• Páxina oficial do Señor Bean (en inglés)