Montecubeiro, Castroverde

San Cibrao de Montecubeiro é unha parroquia que se localiza no concello de Castroverde. Segundo o padrón municipal de 2004 tiña 261 habitantes (133 homes e 128 mulleres), distribuídos en 37 entidades de poboación, o que supón unha diminución en relación ao ano 1999 cando tiña 294 habitantes.

Montecubeiro
Praza parroquial.
Concello	Castroverde[1]
Provincia	Lugo
Coordenadas	43°05′09″N 7°19′37″O
Poboación	201 hab. (2019)
Entidades de poboación	37[1]
[ editar datos en Wikidata ]

Historia

Na parroquia consérvanse restos de tres poboados castrexos: o castro da Graña, o de Meixide e o de Sarceda.

Ao redor do ano 774 (probablemente entre 774 e 783) tivo lugar a batalla de Montecubeiro, na que as tropas do rei Silo derrotaron ós rebeldes galegos que se alzaran contra a dominación ástur.^{[Cómpre referencia]}

Na idade media construíuse o mosteiro de San Cibrao de Montecubeiro. Segundo o catastro do ano 1752 a freguesía chamábase Couto de San Cibrao de Montecubeiro, e compoñíase de 150 casas habitábeis, unha delas servía de cárcere. Nesa época había unha taberna, dous tendeiros de panos, doce arrieiros, un carpinteiro, tres albaneis, dous ferreiros, vinte e oito tecedoras, cinco xastres e seis zapateiros. A parroquia tivo xurisdición propia, na que se incluía Mirandela.

En marzo do ano 1890 afectou á toda a parroquia ^[2] e ás da rodeada unha epidemia, posiblemente de gripe. No 1891 a composición "A véspera de San Xoán de Montecubeiro" foi rexistrada nun certame literario ^[3] na cidade de Lugo e laureada cun accésit de honor. O autor, Luís González López vivira en Montecubeiro.

No século XIX e XX Montecubeiro foi concello de seu, unido despois ao concello de Castroverde. No ano 1931 constituíuse a Unión de Labradores de Montecubeiro.

Entre o seu patrimonio, amais dos restos castrexos e a igrexa parroquial, destaca a capela de Santadrao.

Galería de imaxes

• 
  Igrexa parroquial de Montecubeiro
• 
  Edificio conventual
• 
  Cruceiro no campo da igrexa
• 
  Primitiva pía bautismal
• 
  Cabido frontal
• 
  Canzorros na ábsida
• 
  Cruceiro de Cubula
• 
  Capela de Santadrao
• 
  Cruceiro
• 
  Capela de Santa Petronila no Barreiro
• 
  Mosteiro

Lugares e parroquias

Lugares de Montecubeiro

Lugares da parroquia de Montecubeiro no concello de Castroverde (Lugo)

O Albaredo | O Barreiro | Bascuas | Berlán | A Cabanela | As Cabozas | O Campo | Castelo | Cepomundín | A Cernada | Cubula | O Escouredo | O Fato | Foxos | A Graña | O Gruñedo | Insua | A Laxe | Maceda | Maxide | O Pereiro | O Podriqueiro | O Pombal | Pumarín | Sagaruxe | San Cibrao | Santadrao | Sarceda | Soutullo | Teixeda | A Valiña | A Veiga | Verducedo | Vilar | Os Vilares | Vilarín | O Vitureiro

Parroquias de Castroverde

Galicia | Provincia de Lugo | Parroquias de Castroverde

Agustín (Santa María) | Arcos (San Paio) | Barredo (San Xoán) | Barredo (Santo André) | Barreiros (San Cosme) | Bolaño (Santa Baia) | Cellán de Calvos (San Salvador) | Cellán de Mosteiro (San Pedro) | Covelas (San Miguel) | Espasande (Santiago) | A Frairía (Santa María) | Furís (Santo Estevo) | Goi (Santa María Madanela) | Masoucos (Santiago) | A Meda (Santiago) | Miranda (Santiago) | Mirandela (Santo André) | Monte (Santa María) | Montecubeiro (San Cibrao) | Moreira (Santa María) | Paderne (Santo Estevo) | Páramo (San Miguel) | Pena (Santa María Madanela) | Pereiramá (San Xulián) | A Pumarega (Santa Mariña) | Rebordaos (San Xurxo) | Recesende (San Cibrao) | Riomol (San Pedro) | San Miguel do Camiño (San Miguel) | Serés (San Pedro) | Souto de Torres (San Tomé) | Soutomerille (San Salvador) | Tórdea (San Tomé) | Uriz (Santa María) | Vilabade (Santa María) | Vilalle (San Pedro) | Vilariño (Santiago)

Notas

1. Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
2. Gaceta de Galicia, 12 de marzo de 1890, px. 2.
3. El Regional, xoves, 10 de setembro de 1891, px. 3.

Véxase tamén

Outros artigos

• Lugares de Castroverde