Cantante Español From Wikipedia, the free encyclopedia
Miguel Núñez Pozo, nado o 6 de xaneiro de 1996 en Terrasa, provincia de Barcelona, máis coñecido como Miki Núñez ou simplemente como Miki, é un cantante catalán.[1] Deuse a coñecer en 2018, cando formou parte da décima edición de Operación Triunfo, quedando en sexto posto. Foi elixido para representar a España no Festival da Canción de Eurovisión 2019 co tema "La venda".[2]
![]() (2019) ![]() | |
Biografía | |
---|---|
Nacemento | 6 de xaneiro de 1996 ![]() Terrasa, España ![]() |
Datos persoais | |
País de nacionalidade | España ![]() |
Actividade | |
Ocupación | cantante , presentador de televisión ![]() |
Período de actividade | 2018 ![]() |
Xénero artístico | Música pop ![]() |
Lingua | Lingua inglesa, lingua catalá e lingua castelá ![]() |
Instrumento | Voz ![]() |
Participou en | |
2022 | Eufòria (pt) ![]() |
maio de 2019 | Festival de Eurovisión 2019 (22º) |
2018 | Operación Triunfo 2018 ![]() |
Familia | |
Parella | Sara Roy (en) ![]() ![]() |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
O seu pai e a súa nai sempre apoiaron a súa paixón pola música, incluíndo cando decidiu ir a clases de guitarra e piano. Mentres crecía tivo sobrepeso, ata que decidiu comezar a facer algo para cambialo.[3][4] Estudou Educación Primaria na Universidade de Barcelona.[5] Traballou como profesor auxiliar nunha academia.[6]
Antes de darse a coñecer nacionalmente, era vocalista do grupo Dalton Bang, que versiona cancións do setenta e co que no verán de 2018 foi de xira por Cataluña.[7]
En 2018, Miki asistiu á audición para a décima tempada de Operación Triunfo, sendo o primeiro aspirante en conseguir o adhesivo nos castings e un dos 18 concursantes en ser seleccionados para a gala cero. Foi o único concursante desta edición que conseguiu ser favorito dúas veces, a primeira na gala 5, coa canción "El patio" de Pablo López Jiménez, e a segunda na gala 9. Nesta última, Miki cantou a primeira canción en catalán da historia do programa, "Una lluna a l'aigua" do grupo Txarango. Foi eliminado na semifinal do programa, conseguindo a sexta posición.[8]
Como concursante de Operación Triunfo, foi candidato a representar a España no Festival da Canción de Eurovisión 2019. Para a primeira fase do proceso de selección fóronlle outorgadas tres cancións: "El equilibrio" e "La venda" en solitario, e "Nadie se salva" a dúo coa súa compañeira Natalia Lacunza.[9] Estas dúas últimas cancións conseguiron un pase para a gala de preselección, sendo Miki e Natalia os únicos concursantes con dúas cancións na final nacional.[10] O 20 de xaneiro de 2019, "La venda" foi seleccionada a través do voto do público para representar a España no Festival da Canción de Eurovisión 2019 o mes de maio en Tel Aviv.[11][12]
Sinalou como os seus artistas favoritos a Dub Inc, The Cat Empire e Muse.[6][13] Declarou que o primeiro concerto ao que asistiu foi do grupo La Pegatina, cuxo integrante, Adrià Salas, sería máis tarde o compositor do seu tema para Eurovisión.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.