Mesías
From Wikipedia, the free encyclopedia
From Wikipedia, the free encyclopedia
Mesías (en hebreo: מָשִׁיחַ; māšīyaḥ) é unha palabra hebrea, que significa unxido, o seu equivalente en grego é Christos.
A unción estaba tradicionalmente referida á función real e sacerdotal, puña de manifesto a elección divina para unha misión, especialmente a de guiar ao pobo xudeu, defendelo e, se fose o caso, liberalo da opresión de reinos e imperios estranxeiros (Asiria, Babilonia).
Aparece en diversos textos do Antigo Testamento atribuída á dinastía do rei David. Os profetas Isaías, Xeremías, Ezequiel e Zacarías falan del como promesa de liberación que inauguraría unha era de xustiza e paz. Aparece tamén nos manuscritos do Mar Morto ou do Qumram que falan dun mesías sacerdotal e dun mesías real, na oración xudía Shemoné Esré e no libro dos Salmos. Fora prometido por Deus para destruír aos inimigos de Israel.
Xudas o Galileo foi visto como un mesías. Os disturbios tras a morte de Herodes amosan que a idea de realeza estaba moi arraigada nos xudeus. Flavio Xosefo narra o levantamento xudeu contra Roma no ano 62 como froito dun oráculo mesiánico. Finalmente a rebelión do ano 132 foi dirixida por Bar Kochba que foi visto como unha figura mesiánica. O feito de que os cristiáns visen a Xesús de Nazaret como o mesías prometido demostra que era unha figura estendida nas crenzas das masas iletradas.
Boa parte dos seguidores da relixión xudía aínda agardan a súa chegada.
Paulo de Tarso unirá o nome de Christos ao de Xesús, e espallará o cumprimento da promesa non só a Israel senón tamén a todos os pobos. Os Evanxeos afirman que Xosé de Nazaret é descendente de David para poder invocar a Xesús como Fillo de David. Xesús foi condenado e crucificado como suposto Rei mesiánico, aínda que existen dúbidas entre os especialistas de que el se proclamase abertamente como tal. De feito, se ten estudado o denominado secreto mesiánico, derivado das prohibicións de Xesús que aparecen nos Evanxeos a que se proclame a súa mesianidade.
No rito do bautismo as igrexas cristiás manteñen o acto da unción.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.