decoración militar máis alta outorgada polos EUA From Wikipedia, the free encyclopedia
A Medalla de Honra (en inglés: Medal of Honor) é a máxima condecoración entregada nas Forzas Armadas dos Estados Unidos. É coloquialmente coñecida, aínda que de xeito errado, como a Medalla de Honra do Congreso (Congressional Medal of Honor) xa que é entregada polo Presidente quen a presenta "en nome do Congreso dos Estados Unidos"."[3][4] O criterio para a súa entrega é "valentía e intrepidez con risco da propia vida, alén da chamada do deber, estando en combate contra un inimigo dos Estados Unidos".
Medalla de Honra | |
---|---|
Entréganse tres versións distintas da Medalla de Honra. Na fotografía pódense ver as versións do Exército (esquerda), a Armada, os Marines e os Gardacostas (centro) e a Forza Aérea (dereita). | |
Outorgada polos Estados Unidos de América | |
Tipo | Orde de colar de grado único |
Elixibilidade | Só persoal militar |
Outorgada por | "Valentía e intrepidez con risco da propia vida, máis aló da chamada do deber, estando en combate contra un inimigo dos Estados Unidos" |
Estado | Entrégase |
Estadísticas | |
Primeira outorgada | 25 de marzo de 1863 (Guerra civil estadounidense) |
Última outorgada | 23 de outubro de 2017.[1] |
Outorgadas totais | 3.517[2] |
Póstumas | 621[2] |
Premiados | 3.498[2] |
Precedencia | |
Seguinte maior | - |
Seguinte menor | Cruz por Servizo Distinguido, Cruz da Armada, Cruz da Forza Aérea |
Todos os membros das Forzas Armadas poden ser condecorados coa Medalla, e cada unha das súas pólas conta cun deseño propio, agás o Corpo de Marines e os Gardacostas, que reciben a mesma versión que a Armada. A Medalla adoita ser entregada persoalmente polo Presidente dos Estados Unidos de América ó condecorado ou, no caso de que se outorgue a título póstumo, a unha persoa que a recolle no seu nome. Xa que é unha medalla de alto nivel, recibe protección especial das leis estadounidenses.[5]
A Medalla de Honra é unha das dúas condecoracións de colar outorgadas polas Forzas Armadas dos Estados Unidos, e é a única que se entrega ós membros das mesmas. O grao de Comandante da Lexión do Mérito autorízase para dignatarios non estadounidenses, usualmente equivalentes a xefes militares do gabinete dos Estados Unidos. O persoal do exército pode ser condecorado co grao de Lexionario da Lexión do Mérito, que é unha medalla tradicional suspendida.[6]
En 2011, a Casa da Moeda dos Estados Unidos emitiu, co gallo do 150 aniversario desta condecoración, o coñecido como dólar de prata conmemorativo da Medalla de Honra.[7][8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.