Luciano García Ventín

Luciano García Ventín, nado en Fondós (Quireza, Concello de Cotobade) o 20 de febreiro de 1892 e finado na mesma parroquia en 1960, foi un carpinteiro, ebanista e político galego.

Para outras páxinas con títulos homónimos véxase: Luciano García.

Luciano García Ventín

Biografía
Nacemento	20 de febreiro de 1892 Fondós, España
Morte	1964 (71/72 anos) Quireza, España
Alcalde de Cerdedo
1936 – 1936 ← Antonio Sueiro Cadavid
Actividade
Ocupación	ebanista, político
Partido político	Izquierda Republicana Partido Socialista Obrero Español

Traxectoria

Emigrado no Brasil, retornou a finais dos anos vinte. Fundador da Sociedad de Agricultores y Obreros La Alianza de Quireza e dirixente até 1933 da Federación de Agricultores y Obreros del Ayuntamiento de Cerdedo. Foi elixido concelleiro de Cerdedo nas eleccións de maio de 1931 polo Centro Republicano Radical Socialista e foi primeiro tenente-alcalde.^[1] En febreiro de 1935 foi elixido primeiro vogal do Comité de Izquierda Republicana de Cerdedo presidido por Sabino Bugallo Valiñas.^[2] Pasou despois a militar no PSOE. Foi alcalde do Concello de Cerdedo en 1936.

Logo do golpe de Estado do 18 de xullo de 1936 estivo fuxido. Capturado pola Garda Civil o 4 de febreiro de 1937, foi trasladado á prisión provincial de Pontevedra o o 12 de febreiro. Foi xulgado en Pontevedra por rebelión militar, estivo varios meses en prisión e sufriu extorsión. Foi novamente detido en marzo de 1943, logo de que a Garda Civil atopase nun rexistro na súa casa unha pistola e libros de actas da sociedade La Alianza de Cerdedo.^[3] Finou en Quireza en 1964.^[4]

Predecesor: Antonio Sueiro Cadavid

Alcalde de Cerdedo  1936

Sucesor: Gerardo Lorenzo González

Notas

1. El Pueblo Gallego, 12-6-1931, p. 9.
2. El País, 20-2-1935, p. 3.
3. El Pueblo Gallego, 27-3-1943, p. 5.
4. Canteiros e artistas de Terra de Montes e das Ribeiras do Lérez

Véxase tamén

Bibliografía

• Pereira, Dionisio (2006). A II República e a represión franquista no concello de Cerdedo (PDF). Cerdedo: Asociación Verbo Xido. Arquivado dende o orixinal (PDF) o 24/12/2018. Consultado o 27/12/2019.

Ligazóns externas

• Luciano García Ventín, no Campo das Laudas