Juan Eugenio Vidal Fraga

Juan Eugenio Carmelo Vidal Fraga, nado en Cambados o 1 de febreiro de 1905 e finado en Marcón (Pontevedra) o 26 de febreiro de 1970, foi un avogado e político galego.

Juan Eugenio Vidal Fraga

Biografía
Nacemento	1 de febreiro de 1905 Cambados, España
Morte	26 de febreiro de 1970 (65 anos) Marcón, España
Alcalde de Cambados
1931 – 1935 – Juan Salgado Pérez →
Datos persoais
Educación	Universidade de Santiago de Compostela
Actividade
Ocupación	político
Familia
Fillos	Juan Vidal Fraga
Pai	Salustiano Vidal Lores

Traxectoria

Fillo de Salustiano Vidal Lores. Estudou o bacharelato nos institutos de Pontevedra e Santiago de Compostela (1915-1925). Despois cursou a carreira de Dereito na Universidade de Santiago de Compostela de 1924 a 1934. Coa proclamación da Segunda República, logo da repetición das eleccións municipais o 31 de maio, foi elixido alcalde de Cambados o 5 de xuño. Estaba vinculado ao Partido Republicano Gallego. Foi designado membro da xestora da Deputación provincial o 30 de decembro de 1935.^[1] En 1950 foi elixido Prohombre da Hermandad de Labradores de Cambados.^[2] Despois foi presidente da Cámara Oficial Sindical Agraria de Pontevedra.

En 1953 foi vivir coa súa familia a Marcón, á granxa Garea, unha propiedade de seis hectáreas a carón do río do Marco que pertencera a Luis Rodríguez de Viguri.^[3]

Predecesor: José Padín González-Pardo

Alcalde de Cambados  1931 - 1935

Sucesor: Juan Salgado Pérez

Vida persoal

Casou coa súa curmá Eugenia Fraga Fernández, filla de Eugenio Fraga Padín, en febreiro de 1935,^[4] e tivo once fillos: Eugenio, Luis Manuel (Chiras), Lucila, Juan, Eugenia, Salustiano (Tano), Enrique, Francisco, Socorro, Encarna e María del Carmen (Maca).

Notas

1. El Pueblo Gallego, 31-12-1935, p. 3.
2. El Pueblo Gallego, 22-11-1950, p. 6.
3. "Granja Garea, la historia de un yogur", artigo de Milagros Bará en Diario de Pontevedra, 10 de setembro de 2017 (en castelán).
4. El Pueblo Gallego, 15-2-1935, p. 3.

Véxase tamén

Bibliografía

• Domínguez Pereira, Jacobo (2004). Un pobo deitado ó sol, á beira do mar. A Segunda República en Cambados. Cambados: CANDEA. ISBN 84-920310-9-3.
• Gallego Rei, Mario; Milleiro Sánchez, Celso Xavier; Moreira Docampo, Xosé Manuel (2012). Para despois do silencio. O Concello de Meis da II República a Guerra Civil. Vigo: Ir Indo. p. 196. ISBN 978-84-7680-692-0.

Ligazóns externas

• Alcaldes de Cambados dende 1909 ata 2008