![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Firenze%252C_porfirio%252C_isagoge%252C_e_miscellanea_di_aristotele%252C_1290_ca._02.jpg/640px-Firenze%252C_porfirio%252C_isagoge%252C_e_miscellanea_di_aristotele%252C_1290_ca._02.jpg&w=640&q=50)
Isagoge
From Wikipedia, the free encyclopedia
Isagoge (grego: Εἰσαγωγή, Eisagōgḗ), ou Introdución (ás Categorías de Aristóteles), foi o manual de lóxica máis común durante case toda a Idade Media. O seu autor, Porfirio de Tiro, escribiuno en Sicilia entre os anos 268 e 270, segundo comentaristas antigos como Amonio, Elías e David.[1][2] A obra contén a célebre clasificación dos xéneros e especies dende a substancia até os individuos, coñecida como árbore de Porfirio. Tamén introduce o problema dos universais.[3][4]
Isagoge ou Introdución | |
---|---|
![]() | |
Título orixinal | Εἰσαγωγή |
Autor/a | Porfirio de Tiro |
Lingua | Grego |
Tema(s) | Lóxica |
[ editar datos en Wikidata ] |
A tradución ao latín de Boecio popularizouse nas universidades medievais europeas, converténdose na base dos desenvolvementos da filosofía e a teoloxía escolásticas nos eidos da lóxica e a metafísica. Autores coma o propio Boecio, Ibn Rushd, Pierre Abélard ou Duns Scotus escribiron comentarios sobre a Isagoge. Outros pensadores, coma William de Ockham, empregárona nos seus manuais de lóxica.[5]