![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/38/Virgil_Solis_-_Alcmena.jpg/640px-Virgil_Solis_-_Alcmena.jpg&w=640&q=50)
Ilitía
From Wikipedia, the free encyclopedia
Ilitía, na mitoloxía grega, era a deusa dos partos (e, por conseguinte, das comadroas). Era filla de Zeus e Hera, e irmá de Ares, Hefesto e Hebe. Por veces aparece o nome en plural, Ilitías, que se entenden como unha multitude de xenios femininos. O equivalente romano é Lucina.
![Thumb image](http://upload.wikimedia.org/wikipedia/commons/thumb/3/38/Virgil_Solis_-_Alcmena.jpg/640px-Virgil_Solis_-_Alcmena.jpg)
Asistiu ó nacemento de Atenea da cabeza de Zeus. Sobre Zeus pesaba unha profecía semellante á que Xea anunciara a Cronos: que sería destronado polo fillo da súa filla. Por iso, cando soubo que a súa esposa Metis estaba embarazada, abriu a boca e comeuna. Pero cando chegou o momento do parto, comezou a sufrir fortes dores de cabeza, e Hefesto (ou Prometeo, segundo outras fontes) abriulle a cabeza cun machado, e así puido nacer Atenea, adulta, armada de lanza, coiraza e casco, e exclamando alaridos de guerra.
Asóciase con Artemisa e con Hera, ata o punto de que ás veces figura como epíteto desta [1].
Pausanias, citando a Olén, un poeta da antiga Grecia que compuxo himnos a Ilitía, Hera e Delos, pero que xa non se conservan, di que Ilitía era máis antiga que Cronos.