![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/36/Amber_hg.jpg/640px-Amber_hg.jpg&w=640&q=50)
Historia da electricidade
From Wikipedia, the free encyclopedia
A historia da electricidade refírese ao estudo e uso humano da electricidade, ao descubrimento das súas leis como fenómeno físico e á invención de artefactos para o seu uso práctico.
![Thumb image](http://upload.wikimedia.org/wikipedia/commons/thumb/3/36/Amber_hg.jpg/640px-Amber_hg.jpg)
![Thumb image](http://upload.wikimedia.org/wikipedia/commons/thumb/2/29/Luigi_Galvani_Experiment.jpeg/640px-Luigi_Galvani_Experiment.jpeg)
Como tamén se denomina electricidade á rama da ciencia que estuda o fenómeno[1] e á rama da tecnoloxía que o aplica, a historia da electricidade é a rama da historia da ciencia e da historia da tecnoloxía que se ocupa do seu rexurdimento e evolución. O fenómeno da electricidade estudouse desde a antigüidade, pero o seu estudo científico comezou nos séculos XVII e XVIII. A finais do século XIX, os enxeñeiros lograron aproveitala para uso doméstico e industrial. A rápida expansión da tecnoloxía eléctrica converteuna na columna vertebral da sociedade industrial moderna.[2]
O fenómeno en si, fóra da súa relación co observador humano, non ten historia; considerándoa como parte da historia natural, tería tanta como o tempo, o espazo, a materia e a enerxía.