![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/05/Fredrick_banting.jpg/640px-Fredrick_banting.jpg&w=640&q=50)
Frederick Banting
From Wikipedia, the free encyclopedia
Sir Frederick Grant Banting, KBE nado en Alliston, Ontario, Canadá, o 14 de novembro de 1891 e finado en Musgrave Harbor, Terra Nova, o 21 de febreiro de 1941, foi un médico e investigador canadense.
Estudou na universidade de Toronto e foi médico militar durante a primeira guerra mundial. Posteriormente foi axudante de fisioloxía na Universidade de Ontario Occidental e a partir de 1921 profesor na Universidade de Toronto.
En 1921, descubriu con Charles Best a hormona da insulina. Por este descubrimento foille outorgado en 1923 o Premio Nobel de Medicina, compartido con John James Richard Macleod.
As súas últimas investigacións no Instituto Banting referíronse ó cancro, a córtex suprarrenal e a silicose.
Durante a segunda guerra mundial foi maior do Corpo Médico e xefe da sección médica do Consello Nacional de Investigacións do Canadá. Morreu en Terra Nova nun accidente de avión.