Escola Técnica Superior de Arquitectura de Madrid

A Escola Técnica Superior de Arquitectura de Madrid (ETSAM), é a escola de arquitectura da Universidade Politécnica de Madrid (España). Prepara e expide o título de Arquitecto, así como doutorados e diversos masters de posgrao. Esta escola creouse en 1844 co nome de Escuela Especial de Arquitectura de Madrid e é a escola de arquitectura máis antiga de España. O actual edificio inaugurouse en 1936.

Escola Técnica Superior de Arquitectura de Madrid
Escola Técnica Superior de Arquitectura de Madrid
Coordenadas	40°26′22″N 3°43′52″O
[ editar datos en Wikidata ]

Historia

Filipe V, o primeiro monarca Borbón español, seguindo o exemplo das Academias francesas, fundou en 1744 a Real Academia de las Tres Nobles Artes (pintura, escultura e arquitectura), na que se organizaron os estudos de arquitectura en 1752. Fernando VI aprobou os seus estatutos en 1757 e dende entón expediu o título oficial de Arquitecto, que substituíu o que ata ese momento daban os gremios.

A Real Academia de Belas Artes de San Fernando impartiu na súa sala de arquitectura as ensinanzas do título oficial na Casa de la Panadería da Praza Maior de Madrid entre 1757 e 1774, e no antigo Palacio Goyeneche da rúa Alcalá ata 1847.

En 1844 reformáronse as ensinanzas de belas artes, separándose as de arquitectura, escultura, e pintura e gravado, dando lugar a un Estudo Especial de Arquitectura dentro da nova Escola de Nobres Artes. En 1847, a escola instalouse en parte no edificio dos Reales Estudios de San Isidro (na actualidade Instituto de San Isidro).

En 1936 a Escola inaugurou a súa nova sede na avenida de Juan de Herrera da Cidade Universitaria de Madrid que quedou arrasada na Guerra Civil. O edificio, reconstruído, reinaugurouse en 1942.

Antigos alumnos célebres

• Carlos Arroyo
• Francisco de Asís Cabrero
• José Miguel Ávila Jalvo
• Pedro Bidagor
• Alberto Campo Baeza
• Félix Candela
• Julio Cano Lasso
• Fernando Chueca Goitia
• José Antonio Corrales
• Francisco de Cubas
• Antonio Fernández Alba
• José Luis Fernández del Amo
• Luis Ferreres Soler
• Miguel Fisac
• Jerónimo de la Gándara
• Fernando García Mercadal
• Luis Javier Gayá
• Juan Herreros
• Fernando de Higueras
• Francisco Íñiguez Almech
• Andrés Jaque
• Francisco Jareño y Alarcón
• Luis Lacasa Navarro
• Rafael de la Hoz Arderius
• Rafael de La-Hoz Castanys
• Guillermo Langle Rubio
• Modesto López Otero
• Eloy Maquieira
• Jesús Martínez del Vas
• Rafael Moneo
• Luis Moreno Mansilla
• Pedro Muguruza
• Juan Navarro Baldeweg
• Antonio Palacios Ramilo
• Francisco Javier Sáenz de Oiza
• Manuel Sánchez Arcas
• Federico Soriano
• Alejandro de la Sota
• Leopoldo Torres Balbás
• Emilio Tuñón Álvarez
• Salvador Valeri i Pupurull
• Ramón Vázquez Molezún
• Alejandro Zaera Polo
• Horacio Fernández del Castillo,Jr.

Véxase tamén

Ligazóns externas

• Páxina web oficial da Escola Técnica Superior de Arquitectura de Madrid (en castelán).