Ernst Lubitsch
From Wikipedia, the free encyclopedia
Ernst Lubitsch, nado en Berlín o 28 de xaneiro de 1892 e finado no barrio de Hollywood (Os Ánxeles) o 30 de novembro de 1947, foi un director de cinema xudeu nado en Alemaña, de nacionalidade rusa, aínda que naturalizado alemán e, máis tarde, estadounidense. As súas comedias urbanas déronlle a reputación de ser o director máis elegante e sofisticado de Hollywood; a medida que medraba o seu prestixio, os seus filmes foron promocionados por ter "o toque Lubitsch". Entre as súas obras máis coñecidas están Trouble in Paradise (1932), Design for Living (1933), Ninotchka (1939), The Shop Around the Corner (1940), To Be or Not to Be (1942) e Heaven Can Wait (1943).
Biografía | |
---|---|
Nacemento | 29 de xaneiro de 1892 Berlín |
Morte | 30 de novembro de 1947 (55 anos) Hollywood, Estados Unidos de América |
Causa da morte | infarto agudo de miocardio |
Lugar de sepultura | Forest Lawn Memorial Park |
Datos persoais | |
País de nacionalidade | Estados Unidos de América (1936–) Alemaña |
Actividade | |
Ocupación | director de cinema , escritor , montador , actor de cinema , produtor de cinema , actor , guionista , realizador |
Período de actividade | 1913 - |
Empregador | Universidade do Sur de California |
Lingua | Lingua alemá e lingua inglesa |
Familia | |
Fillos | Nicola Lubitsch (en) |
Premios | |
Páxina web | lubitsch.com |
|
Foi nomeado ao Óscar ó mellor director en tres ocasións, por The Patriot (1928), The Love Parade (1929) e Heaven Can Wait (1943). En 1946, recibiu o Óscar honorífico polas súas achegas á arte do cinema.