Eguas de Diomedes
From Wikipedia, the free encyclopedia
From Wikipedia, the free encyclopedia
As Eguas de Diomedes eran catro bestas [1], chamadas Podargo, Lampón, Xanto e Deino, que se alimentaban de carne humana, propiedade deste Diomedes, rei de Tracia e fillo de Ares e Cirene [2]. Diomedes adoitaba darlles de comer ós estranxeiros que chegaban ó seu país.
Heracles, para ser purificado tralo asasinato dos seus fillos, acto cometido ó volverse louco por culpa de Hera, inimiga de Heracles por celos [3], tivo que acometer doce traballos que lle encomendara o seu primo Euristeo. O oitavo traballo consistiu en traer ante Euristeo estas catro eguas.
Heracles embarcouse cun grupo de voluntarios e puido capturar as catro eguas sen grandes dificultades, tralo cal levounas onda o barco [4]. Os bístones, os súbditos de Diomedes, acudiron a recuperalas e enfrontáronde a Heracles na praia. Este, para poder loitar con eles, deixou as eguas ó coidado do seu amigo Abdero, fillo de Hermes. Venceu ós bístones e matou a Diomedes, facendo fuxir ós seus soldados, pero mentres tanto, as eguas arrastraron e mataron a Abdero, polo que Heracles fundou alí unha cidade á que chamou Abdera.
Outras fontes din que Heracles se enfrontou a Diomedes cando foi roubar as eguas, e que o matou botándoo a estas, que o devoraron. Unha vez saciadas, as eguas tornáronse mansas e Heracles puido xunguilas ó carro do propio Diomedes, co que volveu a Micenas. Euristeo dedicounas a Hera e logo soltounas, e os animais foron percorrendo Grecia ata chegar ó monte Olimpo, onde terminando morrendo atacadas polas feras que alí había. A lenda di que entre os seus descendentes está o cabalo Bucéfalo, de Alexandre Magno.
Trátase dun episodio que se representa tarde e con pouca frecuencia, pola complexidade do relato. Na Idade Media e Moderna só se representa rara vez, por exemplo nun relevo en marfil Bizantino do século X ou nun cadro de Johann Heinrich Füssli (c. 1800).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.