![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c8/Galician_dragon_%2528Medieval_Age%2529.jpg/640px-Galician_dragon_%2528Medieval_Age%2529.jpg&w=640&q=50)
Dragón europeo
From Wikipedia, the free encyclopedia
O dragón europeo é unha criatura lendaria presente no folclore e na mitoloxía de moitas das culturas de Europa.[1]
![Thumb image](http://upload.wikimedia.org/wikipedia/commons/thumb/c/c8/Galician_dragon_%28Medieval_Age%29.jpg/640px-Galician_dragon_%28Medieval_Age%29.jpg)
![Thumb image](http://upload.wikimedia.org/wikipedia/commons/thumb/4/41/Redondela_-_Festa_da_Coca_2010_-_01.jpg/640px-Redondela_-_Festa_da_Coca_2010_-_01.jpg)
No presente, o dragón europeo é representado como unha criatura semellante a un lagarto, de gran talle, escamoso, con cornos e que bota lume pola boca. A criatura tamén ten unhas ás de coiro semellantes ás dun morcego, catro patas e unha longa e prénsil cola. Algunhas representacións amosan ós dragóns con ás emplumadas, cristas, gadoupas ardentes, pugas de marfil que percorren o seu lombo e outros engadidos exóticos. Outras representacións non teñen patas ou presentan múltiples testas.
Nos contos populares, o sangue dun dragón a miúdo contén propiedades máxicas. Por exemplo, na ópera Siegfried, o sangue permítelle a Sigurd entender a lingua dos paxaros do bosque. O típico dragón protexe unha caverna ou castelo cheos de ouro e tesouros e, adoita estar asociado cun grande heroe que trata de matalo.
Malia ser unha criatura con ás, o dragón atópase polo xeral nun agocho subterráneo, unha cova que o sinala como unha antiga criatura da terra. É probable que os dragóns da mitoloxía europea ede Medio Oriente proveñan do culto ás cobras presente en moitas relixións en todo o mundo.