![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/78/Castelo-de-Almourol_vista-geral.jpg/640px-Castelo-de-Almourol_vista-geral.jpg&w=640&q=50)
Castelo (fortificación)
fortificación permanente medieval, xeralmente erguido en posición dominante no terreo, próximo das vías de comunicación / From Wikipedia, the free encyclopedia
Un castelo (diminutivo de castro) é un tipo de fortificación permanente medieval, xeralmente erguido en posición dominante no terreo, próximo das vías de comunicación, o que facilitaba o avistamento das tropas inimigas a gran distancia.
![Thumb image](http://upload.wikimedia.org/wikipedia/commons/thumb/7/78/Castelo-de-Almourol_vista-geral.jpg/640px-Castelo-de-Almourol_vista-geral.jpg)
Pódese afirmar que un castelo é a estrutura máis emblemática da Idade Media, pois coa localización das estruturas castelares ao longo da súa propia evolución, posuímos datos para estabelecer toda unha perspectiva administrativa e habitacional dun territorio.
Na Idade Media dicíase facer vila para o acto de cercar de murallas unha poboación; aínda hoxe, en Castelo de Vide, distínguense a vila da aldea polo sitio da antiga muralla. Hai en Portugal un castelo no centro da poboación, o Castelo de Évora Monte, mais a súa construción efectuouse en tempo de paz, e dous séculos despois da muralla. A organización defensiva do castelo era semellante á da vila e tiña poder sobre ela debido á posición máis alta e ás murallas máis fortes.