Distrito de Setúbal

O distrito de Setúbal é un distrito portugués, dividido entre as provincias tradicionais da Estremadura e do Baixo Alentexo. Limita ao norte co Distrito de Lisboa e co Distrito de Santarém, ao leste co Distrito de Évora e o Distrito de Beja, ao sur co Distrito de Beja e ao oeste co océano Atlántico. Abrangue unha área de 5064 km², que o converte no 8º maior distrito portugués. A súa poboación total son 815.858 habitantes (2006) e a súa capital é a cidade de Setúbal. Actualmente, é o distrito con maior crecemento e desenvolvemento nas áreas de saúde, traballo, economía, turismo, demografía e educación, grazas á súa proximidade ao mar, rede de escolas e facilidade de captación de investimentos.

Para outras páxinas con títulos homónimos véxase: Setúbal.

Distrito de Setúbal

Localización
38°31′28″N 8°53′33″O
Estado	Portugal
Capital	Setúbal
Contén a división administrativa	Alcochete (pt) Alcácer do Sal Almada Barreiro Grândola (pt) Moita Montijo Palmela Santiago do Cacém Seixal Sesimbra Setúbal Sines
Poboación
Poboación	788.459 (155,7 hab./km²)
Xeografía
Superficie	5.064 km²
Bañado por	Océano Atlántico
Comparte fronteira con	Distrito de Lisboa Distrito de Évora Distrito de Santarém Distrito de Beja
Identificador descritivo
Fuso horario	UTC±00:00
ISO 3166-2	PT-15

Subdivisións

O distrito de Setúbal integra trece concellos:

• Alcácer do Sal
• Alcochete
• Almada
• Barreiro
• Grândola
• Moita
• Montijo
• Palmela
• Santiago do Cacém
• Seixal
• Sesimbra
• Setúbal
• Sines

Relevo e hidrografía

O relevo do distrito de Setúbal é maioritariamente chan. As principais serras do distrito son a serra da Arrábida e a serra de Grândola, ambas de moi pouca elevación.

O distrito de Setúbal está atravesado polo río Sado e os seus afluentes. O estuario do río Sado ofrece paisaxes de grande beleza na súa beira sur.

Creación

O distrito de Setúbal é o máis recente de Portugal. Inicialmente non foi creado pola reforma de Mouzinho da Silveira (1835). Daquela o seu territorio incluíuse no distrito de Lisboa.

O goberno da Ditadura Militar outorgoulle a autonomía ao distrito de Setúbal o 22 de decembro de 1926, en virtude do seu gran crecemento económico.

Patrimonio

• Castelo de Alcácer do Sal
• Praias e rexión turística da Costa da Caparica
• Castelo e zona vella de Palmela
• Cidade romana de Miróbriga en Santiago do Cacém
• Castelo e Forte de Santiago en Sesimbra
• Castelo-forte de São Filipe e arquitectura antiga de Setúbal
• Castelo de Sines

Véxase tamén

Ligazóns externas

• Goberno Civil de Setúbal (en portugués)
• Mapa do distrito de Setúbal