From Wikipedia, the free encyclopedia
Dibamus é un xénero de réptiles escamosos da suborde dos lacertilios, unha das dúas integradas, canda Anelytropsis, na familia dos dibámidos,[1][2] que, á súa vez, e a única incluída na infraorde dos dibamios,[3] da que é o seu tipo.
Dibamus | |||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||
Clasificación científica | |||||||||||||||||||||||
| |||||||||||||||||||||||
Especies | |||||||||||||||||||||||
|
O xénero foi descrito en 1839 polo zoólogo e naturalista francés André Marie Constant Duméril e polo tamén zooólogo francés, especializado en herpetoloxía, Gabriel Bibron,[1][4] na súa obra Erpétologie générale ou histoire naturelle complète des reptiles. Tome cinquième [Volume 5]. París: Roret.
Os nome científico Dibamus, está tirado do grego antigo διβάμος dibámos, "de dúas patas",[5] aludindo a que as súas especies só presentan dúas diminutas patas.
Segundo The Reptile Database, na actualidade recoñécense dento do xénero as 24 especies seguintes:[6]
Os dibámidos caracterízanse polo seu corpo delgado, cilíndrico, alongado e por unha aparente falta de extremidades.[9] A femias carecen completamente de extremidades, e os machos presentan só as extremidades posteriores, moi pequenas e con forma de aleta, que utilizan para agarraren a súa parella durante o apareamento.[9][10]
O seu cranio está rixgidamente fusionado, carecen de dentes pterigoides e de oído externo. Os seus ollos están moi reducidos e cubertos por unha escama.[10] Desbido a esta últimas característica son coñecidos na bibliografía internacional co nome vulgar de lagratos cegos (do inglés blind lizards).
Os dibámidos habitan en México, o sueste asiático, nas illas Filipinas e no oeste de Nova Guinea.[11] Son pequenos lagartos insectívoros, de corpo longo e delgado, adaptados para escavaren no solo.[11] Polo xeral, poñen un só ovo, cunha casca dura e calcificada, en lugar das cascas coriáceas típicas de moitos outros grupos de réptiles.[10][12]
Recentes análises filoxenéticas sitúan aos dibámidos como un clado irmán de todos os outros lagartos e das serpes. [13]