![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/85/Deadlock_Rockharz_2016_06.jpg/640px-Deadlock_Rockharz_2016_06.jpg&w=640&q=50)
Death metal melódico
subxénero da música heavy metal / From Wikipedia, the free encyclopedia
O death metal melódico é un estilo que presenta características inspiradas na New Wave of British Heavy Metal, en particular os rápidos riffs e liñas harmónicas de guitarra, pero incorporando os elementos máis habituais do death metal como a distorsión de guitarras, rápidos padróns rítmicos de batería e en ocasións ritmos blast beat.[1] O estilo vocal deste xénero combina as voces limpas, os gritos e as voces guturais.[2]
Death metal melódico | |
---|---|
![]() | |
Orixe musical | Death metal, NWOBHM, thrash metal, black metal, power metal |
Orixe cultural | Anos 1990 en Escandinavia e o Reino Unido |
Instrumentos típicos | Guitarra eléctrica, baixo, batería, teclado |
Derivados | Metalcore melódico |
Gran parte da súa orixe e popularidade atribúese a grupos como At the Gates, In Flames e Dark Tranquillity, que definiron o xénero a comezos dos anos 1990 sentando as bases da escena musical do metal de Gotemburgo,[2] escena a que o escritor Garry Sharpe-Young denominou "a salvación comercial do death metal".[3] Outro dos pioneiros foi o grupo británico Carcass, clasificado dentro do grindcore nos seus primeiros discos pero que evolucionou ata este estilo nos álbums Necroticism – Descanting the Insalubrious de 1991 e Heartwork de 1993.[4][5][6] Outros exemplos de grupos incluídos neste xénero son Amon Amarth,[7] Soilwork[8] e Arch Enemy.[9]