![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Amanita_muscaria_3_vliegenzwammen_op_rij.jpg/640px-Amanita_muscaria_3_vliegenzwammen_op_rij.jpg&w=640&q=50)
Esporocarpo
From Wikipedia, the free encyclopedia
O esporocarpo é o corpo frutífero dos fungos. É unha estrutura pluricelular onde se orixinan estruturas que producen esporas coma os basidios e os ascos. O corpo frutífero é parte da fase sexual do ciclo vital dun fungo, mentres o resto do seu ciclo está caracterizado polo crecemento dun micelio vexetativo e mais pola produción asexual de esporas.
![Thumb image](http://upload.wikimedia.org/wikipedia/commons/thumb/3/32/Amanita_muscaria_3_vliegenzwammen_op_rij.jpg/640px-Amanita_muscaria_3_vliegenzwammen_op_rij.jpg)
![Thumb image](http://upload.wikimedia.org/wikipedia/commons/thumb/6/67/Scarlet_elf_cap_cadnant_dingle.jpg/640px-Scarlet_elf_cap_cadnant_dingle.jpg)
O esporocarpo dun basidiomiceto coñécese co nome de basidiocarpo, mentres que o corpo frutífero dun ascomiceto recibe o nome de ascocarpo. Hai un rango significativo de formas e morfoloxías tanto nos basidiocarpos coma nos ascocarpos; estas características son importantes para a identificación e taxonomía dos fungos. Os corpos frutíferos chámanse epixeos (epigeus) se medran no chan, como fan os cogomelos correntes, mentres que o grupo chamado hipoxeos (hypogeus) medran por baixo do chan, no solo, coma as trufas.
O corpo frutífero máis grande coñecido era un espécime de Fomitiporia ellipsoidea atopado na illa Hainan. Medía 1.085 cm de longo e pesaba uns 400–500 kg.[1][2]