![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/98/B%25C3%25ADcing_davant_el_palau_Centelles.jpg/640px-B%25C3%25ADcing_davant_el_palau_Centelles.jpg&w=640&q=50)
Consello de Garantías Estatutarias de Cataluña
From Wikipedia, the free encyclopedia
O Consello de Garantías Estatutarias de Cataluña (en catalán: Consell de Garanties Estatutàries de Catalunya) é a máis alta institución xuridicoconsultiva da Generalitat de Cataluña. En virtude do artigo 76 do Estatuto de Autonomía de Cataluña de 2006,[1] correspóndelle velar pola adecuación das leis do Parlamento e as normas con forza de lei do Govern ao Estatut e á Constitución. Así mesmo, como garantía do autogoberno catalán, ten que ditaminar previamente á interposición diante do Tribunal Constitucional de recursos de inconstitucionalidade, conflitos de competencia e conflitos en defensa da autonomía local. O Consell exerce a súa función mediante a emisión de ditames xurídicos preceptivos e non vinculantes, a solicitude do Parlament, o Govern, o Síndic de Greuges ou as institucións locais. E, finalmente, tamén desenvolve un papel de especial tutela dos dereitos estatutarios, nos termos do artigo 38.1 do Estatut.
![Thumb image](http://upload.wikimedia.org/wikipedia/commons/thumb/9/98/B%C3%ADcing_davant_el_palau_Centelles.jpg/640px-B%C3%ADcing_davant_el_palau_Centelles.jpg)
Coa finalidade de asegurar a independencia no exercicio das funcións que ten atribuídas estatutaria e legalmente, o Consell ten autonomía orgánica, funcional e orzamentaria.
O Consell de Garanties Estatutàries constituíuse o 24 de novembro de 2009 e sucede, con funcións máis amplas, o extinto Consell Consultiu (1980-2009).[2]