Coca (planta)
From Wikipedia, the free encyclopedia
From Wikipedia, the free encyclopedia
A coca (Erythroxylum coca) (en quechua:kuka) é unha planta suramericana da familia das Eritroxiláceas orixinaria dos escarpados contrafortes dos Andes amazónicos, principalmente de Bolivia e do Perú.
Coca | |||||||||||||||
---|---|---|---|---|---|---|---|---|---|---|---|---|---|---|---|
Planta de coca | |||||||||||||||
Clasificación científica | |||||||||||||||
| |||||||||||||||
Nome binomial | |||||||||||||||
Erythroxylum coca Lam. 1786 | |||||||||||||||
Variedades | |||||||||||||||
Sinonimia | |||||||||||||||
|
Ten porte arbustivo/arbóreo e pode ficar frondosa, as súas flores son amarelo abrancazadas, pequenas e aromáticas, solitarias ou reunidas en cimeiras, os froitos drupáceos oblongos, vermellos, e cuxas follas posúen 14 alcaloides, e dentre eles a cocaína.
O extrato de coca posúe diversos compostos orgánicos e inorgánicos, como na maioría da plantas. Hai proteínas, vitaminas, carbohidratos, graxas, fibras, calcio, fósforo e ferro, entre outros oligoelementos. As propiedades analxésicas da coca foron descubertas polos incas e até hoxe as súas follas son comumente mascadas na rexión dos Andes. Os efectos do alcaloide (cocaína) poden aplacar a fame e a fatiga.[2]
A cantidade de cocaína contida nas follas frescas comporta só uns 0,8 %. Ademais desta substancia, as follas da coca presentan outros alcaloides como metilecgoninca, benzoilecgnoninca, ecgonina e nicotina.
A absorción da cocaína é moito menos rápida e eficiente que as formas purificadas da cocaína e non causa os mesmos efectos psicoactivos e eufóricos asociados co uso da droga. A adicción ou outros efectos nocivos do consumo da folla na súa forma natural, non se teñen documentado.
Algúns refrescos, como Coca-Cola, utilizan extracto de especies do mesmo xénero Erytroxylum, con menores contidos de cocaína, e outros imitaban a súa composición. Porén, tales refrescos pasaron a ser producidos de "noz de cola" e non posúen folla de coca na súa formulación.
A confusión sobre o contido do refresco Coca-Cola, e até mesmo sobre a súa formulación, débese ao feito de ter sido este o refresco precursor do uso da cocaína como medicamento antiemético, isto é, contra náuseas, vómito e diarrea. No inicio, Coca-Cola era "remedio", contiña vestixios da droga e o seu uso era indicado sempre despois das comidas. O farmacéutico John Pemberton, inventor de Coca-Cola, logo mudou o extracto do "remedio", visto o éxito nas vendas, que se mantén até hoxe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.