From Wikipedia, the free encyclopedia
Un circuíto de carreiras (autódromo ou pista de carreiras) é unha instalación construída para disputar carreiras de vehículos, tamén pode contar con tribunas e boxes. Algúns circuítos de automobilismo chámanse óvalos.
Un "circuíto" é unha instalación ou edificio permanente. "Pista de carreiras" é un termo alternativo común para circuíto de carreiras, dada a configuración de circuíto da maioría das pistas de carreiras, permite que as carreiras se realicen durante varias voltas.
Un circuíto aberto, ao contrario que un circuíto, é unha pista non permanente para deportes, particularmente carreira por estrada, deportes acuáticos, automobilismo de velocidade, ou rally. Moitos deportes que normalmente se realizan en circuítos de carreiras tamén poden realizarse en circuítos temporais, como o Gran Premio de Mónaco na Fórmula Un.
Quedan algunhas evidencias de que desenvolvéronse circuítos en varias civilizacións antigas. As pistas de carreiras antigas máis desenvolvidas foron os hipódromos dos gregos antigos e os circos (circi) do Imperio romano. Estas dúas estruturas foron deseñadas para carreiras de cabalos e carros. O estadio do Circo Máximo da Antiga Roma podía acoller a 200.000 espectadores.
As instalacións de carreiras existiron durante a Idade Media e existen rexistros dun hipódromo público que se abriu en Newmarket en Londres en 1174. En 1780, o Conde de Derby creou unha pista de carreiras para cabalos na súa propiedade en Epsom, o Derby de Epsom segue celebrándose alí a día de hoxe. Os hipódromos nas Illas Británicas son pistas de céspede, aínda que o normal noutros países é que sexan de terra.
Coa chegada do automóbil a finais do século XIX e principios do XX, os circuítos de carreiras deseñáronse para adaptarse á natureza das máquinas propulsadas. As primeiras pistas eran hipódromos modificados. As carreiras de automóbiles en tales instalacións comezaron en setembro de 1896, no parque Narragansett en Cranston, Rhode Island. O Indianapolis Motor Speedway abriuse en agosto de 1909.
Os circuítos modernos están deseñados para que a seguridade dos espectadores sexa primordial, tras incidentes con vítimas mortais entre os espectadores e [[comisarios de pista]. A miúdo implican zonas de escape, barreiras e valados altos.
Os circuítos úsanse para:
Os circuítos de carreiras pódense distinguir segundo a súa superficie, situación e forma. Un circuíto deseñado especificamente para competicións chámase "circuíto permanente" e, en particular, se está pavimentado chámase autódromo. Un circuíto composto por rúas públicas chámase circuíto urbano. Un circuíto situado en estradas públicas chámase "circuíto viario". Os urbanos, os viarios e os circuítos nos aeroportos chámanse colectivamente circuítos "semi-permanentes" ou "temporais".
Segundo a Federación Internacional de Automobilismo, un circuíto que ten ata catro curvas co mesmo sentido de xiro chámase oval. A maioría dos óvalos son executados no sentido contrario ás agullas do reloxo, mentres que a maioría das pistas que teñen curvas en ambos os dous lados ("pistas mixtas") corren no sentido horario. Certos circuítos son oito o teñen bucles internos; isto conséguese con pontes ou pasos a nivel.
Os elementos dun circuíto estándar son:
Entre as partes que forman o propio trazado, ademais das rectas, hai diferentes tipos de curvas. Tendo infinitas posibilidades para deseñar unha curva, pódense clasificar en:
Algúns circuítos ofrecen poucas infraestruturas permanentes ademais da pista; outros incorporan instalacións para espectadores como tribunas, hostalaría ou instalacións para os competidores, como pit lanes e garaxes, paddock e cortes. Varios circuítos están incorporados en complexos máis grandes, que incorporan campos de golf, museos, hoteis e centro de conferencias. Algúns circuítos son o suficientemente pequenos como para estar dentro dun edificio pechado, para deportes como motocross, ciclismo e atletismo.
Moitas pistas son de uso múltiple, permitindo diferentes tipos de deportes na mesma pista ou incorporando moitas pistas nun mesmo lugar. Normalmente as pistas de atletismo están incorporadas a estadios de uso xeral ou fútbol, visibles permanentemente ou cubertos por bancadas ou canchas para outros deportes.
Moitas pistas de cabalos e deportes de motor son configurables, permitindo diferentes rutas ou seccións. Algunhas instalacións conteñen pistas máis pequenas dentro doutras máis grandes, con túneles de acceso e pontes para os espectadores. Algúns circuítos incorporan un percorrido curto e outro máis longo que emprega parte do máis curto, normalmente a recta principal, como o circuíto de Brands Hatch. O lugar da carreira en estrada de Le Mans está centrado nun circuíto permanente máis pequeno (Circuíto de la Sarthe ou Circuíto de Bugatti) dentro do seu complexo.
As superficies inclúen:
Os circuítos de carreiras están deseñados principalmente para a competición de carreiras de estrada a través da velocidade, con liñas de saída e meta definidos, e ás veces incluso unha serie de puntos de cronometraxe definidos que dividen a pista en sectores de tempo. Algúns deportes só miden a resistencia ou o tempo que pode competir un competidor. As pistas de carreiras poden albergar deportes individuais ou de equipo. Os circuítos poden incluír arranque en marcha, ou arranques parados, con equipos asociados (tacos de saída, gaiolas, trampas de rodas, etc.) Invariablemente presentan un pit lane e normalmente equipos de sincronización.
Algunhas pistas de carreiras teñen unha forma oval e poden ter bancadas, o que permite unha visión case completa do espectador ou carreiras de alta velocidade (ciclismo, coches de stock). Unha famosa é Nardò, onde a miúdo teñen lugar as probas de fabricantes de vehículos de alta velocidade e o Indianapolis Motor Speedway. Algunhas pistas ovaladas son variacións sobre unha forma oval, por razóns prácticas ou para introducir dificultades variables como Talladega (un trioval). A maioría das pistas de carreira teñen circuítos sinuosos con moitas curvas, chicanas e cambios de rasante, para permitir un desafío de habilidade para os competidores, especialmente motocross e carreiras de coches de turismo, predominan na maior parte do mundo, pero especialmente en Europa.
Os circuítos máis sinuosos do automobilismo ás veces chámanse "circuítos por estrada", orixinándose no feito de que os primeiros circuítos de carreiras por estrada eran simplemente estradas públicas pechadas. Os verdadeiros circuítos por estrada aínda están en uso, por exemplo. o GP de Australia disputouse en Adelaida e segue a disputarse en Melbourne nas rúas da cidade. Os máis famosos son o GP de Mónaco, e o circuíto Spa-Francorchamps en Bélxica. Algúns circuítos configúranse especificamente nunha longa recta, é dicir, drag racing. Algunhas carreiras celebraranse só sobre a parte recta dunha pista.
Despois da segunda guerra mundial, moitos aeródromos de guerra, particularmente en Gran Bretaña, quedaron sen uso. Isto coincidiu co boom da posguerra do automobilismo, e moitos aeródromos convertéronse en pistas de carreiras, onde o trazado do circuíto normalmente combinaba partes das pistas e as pistas de rodaxe perimetrais. A famosa pista británica de Silverstone é un antigo campo de aviación de clase A, do mesmo xeito que Castle Combe e Goodwood. As longas pistas eran perfectas para carreiras de arranque como en Santa Pod Raceway. Este tipo de pistas tamén aparecen no popular programa automobilístico Top Gear, que se filmaba no Dunsfold Aerodrome, en Surrey, Inglaterra.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.