Catedral de Valencia
From Wikipedia, the free encyclopedia
A Catedral de Valencia (Basílica Metropolitana) é a sede do arcebispado de Valencia e está adicada a Santa María por desexo de Jaume I, fiel á tradicional devoción mariana do século XIII. Foi consagrada no ano 1238 polo arcebispo de Tarragona Pere d'Albalat. Atópase sobre a antiga mesquita, que ao seu corpo alzárase sobre a antiga catedral visigoda.
Catedral de Valencia | |
---|---|
País | España |
Coordenadas | 39°28′32″N 0°22′31″O |
Diocese | arquidiocese de Valencia e Roman Catholic Diocese of Valencia |
Estilo | Valencian Gothic e Arte gótica |
Páxina web | http://www.catedraldevalencia.es |
[ editar datos en Wikidata ] |
O gótico catalán o mediterráneo é o estilo predominante desta catedral, aínda que ademais contén elementos do románico, do gótico francés, do renacemento, do barroco e neoclásico.
No seu interior venérase como Santo Graal un cáliz doado á catedral polo rei Afonso o Magnánimo no 1436. Contén ademais algunhas das primeiras e mellores pinturas do Quattrocento de toda a Península Ibérica, que chegaron de Roma a través de artistas contratados por Alexandre VI. Este último Papa valenciano, cando aínda era o cardeal Roderic de Borja, fixo a petición para elevar a catedral valentina ao rango de Metropolitana, categoría que lle foi outorgada polo papa Inocencio VIII no 1492.