![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/ff/Karl_Habsburg-Lothringen_%25282022%2529.jpg/640px-Karl_Habsburg-Lothringen_%25282022%2529.jpg&w=640&q=50)
Carlos de Habsburgo-Lorena
político austríaco / From Wikipedia, the free encyclopedia
Carlos de Habsburgo-Lorena e Saxonia-Meiningen (en alemán: Karl Thomas Robert Maria Franziskus Bahnam Georg von Habsburg-Lothringen), nado en Starnberg, Baviera, Alemaña o 11 de xaneiro de 1961,[1] é un arquiduque austríaco, membro da familia imperial, hoxe non reinante, de Austria.
Na época do seu nacemento, o seu pai non posuía ningunha nacionalidade de facto, e vivía en Alemaña cun pasaporte diplomático español, mentres que a súa nai era cidadá alemá. Igual que o seu pai e os seus irmáns, Carlos tiña prohibido entrar en Austria nos primeiros anos da súa vida.
Pertence á casa de Habsburgo, cuxa xefatura ostenta desde 2007, ano en que sucedeu ao seu pai, o príncipe Otón de Habsburgo-Lorena, tras a renuncia deste.[2]
Os seus títulos son os de arquiduque e príncipe imperial de Austria e príncipe real de Hungría e de Bohemia. É o actual xefe da rama austríaca da Orde do Vélaro de Ouro.[3]
En Austria, ningún dos membros da casa de Habsburgo ten titularidade oficial dos seus títulos, polo que estes son honorarios e o seu nome legal o de Carlos Habsburgo-Lorena.
Foi membro do Parlamento Europeo, en representación do Partido Popular Austríaco, entre 1996 e 1999.