![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Libro_de_los_Juegos%252C_Alfonso_X_y_su_corte.jpg/640px-Libro_de_los_Juegos%252C_Alfonso_X_y_su_corte.jpg&w=640&q=50)
Cantiga de escarnio e maldicir
subxénero da lírica galego-portuguesa / From Wikipedia, the free encyclopedia
A cantiga de escarnio e maldicir (cantiga de escarnho e maldizer en galego-portugués) é un subxénero da lírica galego-portuguesa.[1] Inclúe tanto sirventeses morais e políticos, sátiras literarias e maledicencias persoais, como tenzóns, prantos e parodias. O trobadorismo galego-portugués perfeccionou unha canción satírica procedente da Provenza, á que lle daban o nome de sirventés, que, chegada ás nosas terras, influíu nos nosos trobadores para que estes, apoiándose quizais nunha tradición satírica autóctona transmitida oralmente e anterior á convivencia coas formas occitanas, creasen un novo xeito de trobar: a cantiga de escarnho e maldizer. O corpus lírico galego-portugués conta con aproximadamente 430 textos pertencentes ao xénero. Dentro dos tres grandes xéneros do lirismo trobadoresco (xunto coa cantiga de amigo e a cantiga de amor) é o menos homoxéneo pola presenza dunha gran diversidade temática e tonal.
![Thumb image](http://upload.wikimedia.org/wikipedia/commons/thumb/3/32/Libro_de_los_Juegos%2C_Alfonso_X_y_su_corte.jpg/640px-Libro_de_los_Juegos%2C_Alfonso_X_y_su_corte.jpg)