From Wikipedia, the free encyclopedia
Bonanza é unha serie de televisión producida pola NBC e emitida por primeira vez o 12 de setembro de 1959 e até 1973. Foi emitida pola Televisión de Galicia en diversas tempadas. En 2023 é emitida na TvG2.[1]
País de orixe | USA |
---|---|
Na rede | |
[ editar datos en Wikidata ] |
Bonanza relata as peripecias da familia Cartwright no rancho da Ponderosa, en Nevada, e está ambientada no afastado oeste de finais do século XIX. Concibida para un público familiar, foxe dos tópicos do xénero para centrarse nos valores familiares e nos problemas do día a día. Amais, a canle decidiu emitila integramente en cor para conseguir chama-la atención dos máis cativos nunha época onde a maioría dos fogares só dispoñían dun receptor en branco e negro.
A familia Cartwright está formada polo patriarca e dono do rancho, chamado Ben (interpretado por Lorne Greene). Ten tres fillos froito de tres matrimonios diferentes dos que enviuvou: Adam (Pernell Roberts), Hoss (Dan Blocker) e Little Joe (Michael Landon). O clan vive folgadamente nun gran rancho chamado Ponderosa na compaña do cociñeiro chinés Hop Sing (Víctor Sean Young) e o sheriff de Virginia City, Roy Coffee (Ray Teal).
A serie converteuse en número un de audiencia durante catorce anos pese á saída de Pernell Roberts no 1965 debido a disputas cos guionistas da serie. Aínda que nun intre a canle planeara deixar os Cartwright con dous irmáns só, o personaxe de Adam foi substituído polo do vaqueiro Candy Canaday (David Canary) e a serie aumentou a súa popularidade.
A repentina morte de Dan Blocker no 1972 significou a fin da serie. Tras algúns intentos da canle por salvala, despediuse da audiencia o 16 de xaneiro de 1973.
Pese ó peche da serie, a súa popularidade animou á canle a facer filmes para a televisión. Algúns títulos son:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.