![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/Betanin.svg/langgl-640px-Betanin.svg.png&w=640&q=50)
Betalaína
From Wikipedia, the free encyclopedia
As betalaínas son metabolitos secundarios das plantas nitroxenados que actúan como pigmentos vermellos e amarelos.
![Thumb image](http://upload.wikimedia.org/wikipedia/commons/thumb/9/94/Betanin.svg/320px-Betanin.svg.png)
Están presentes soamente no taxon Caryophyllales exceptuando Caryophyllaceae e Molluginaceae (Clement et al. 1994[1]). En contraste, a maioría das demais plantas posúen pigmentos que son antocianinas (que pertencen ao grupo dos flavonoides). As betalaínas e as antocianinas son mutuamente excluíntes, polo que cando se encontran betalaínas nunha planta, estarán ausentes as antocianinas, e viceversa.
Ao igual que todos os pigmentos, cumpren funcións de atracción de polinizadores e dispersores, pero probablemente teñen funcións adicionais, como absorción de luz ultravioleta e protección contra o herbivorismo.