Australia no Festival de Eurovisión
From Wikipedia, the free encyclopedia
From Wikipedia, the free encyclopedia
Australia participou por primeira vez no Festival de Eurovisión na edición de Festival de Eurovisión 2015. Aínda que non tiña as condicións axeitadas para facelo, xa que o país está situado fóra da Área de Radiodifusión Europea, Australia puido participar por mor do 60 aniversario do festival. O país de Oceanía emite as semifinais e finais na televisión australiana, a pesar de que non ten o mesmo fuso horario que os países participantes.[1]
No Festival de Eurovisión Júnior, todos os participantes reciben 12 puntos antes das votacións. No ano 2011, Australia foi o encargado de repartir eses 12 puntos a todos os participantes.[2]
Aínda que o país non pode participar como o resto dos países europeos, a UER deulle a oportunidade de facer unha actuación representando ao país na segunda semi-final do Festival de Eurovisión 2014, aínda que sen concursar. A Special Broadcasting Service escolleu a Jessica Mauboy para representar a Australia.[3]
O 10 de febreiro de 2015, os organizadores de Eurovisión anunciaban que Australia podía participar no festival como homenaxe ao seguimento do festival no país de Oceanía. A elección do cantante foi elixida internamente pola canle australiana SBS e só podería volver a participar de gañar o festival.
Australia puido votar nas dúas semifinais e tiña garantido o seu pase á final do certame, no que puido participar de xeito activo emitindo os seus propios votos. Cómpre dicir que, en principio, esta foi a primeira e única participación do país no festival, xa que a invitación é so por motivo do aniversario do festival. De gañar o certame musical, a UER anunciou que o festival do ano próximo tería lugar nun país europeo, pero que a SBS debería correr coa metade dos gastos. De suceder isto Australia podería facer a súa segunda aparición no festival da canción.[4]
| Ano | Sede | Artista | Canción | Final | Pts | Semifinal | Pts |
|---|---|---|---|---|---|---|---|
| 2015 |  Viena |
Guy Sebastian | Tonight Again | 5 | 196 | Clasificado directo | |
| 2016 |  Estocolmo |
Dami In | The Sound of Silence | 2 | 511 | 1 | 330 |
| 2017 |  Kíiv |
Isaiah Firebrace | Don't Come Easy | 9 | 173 | 6 | 160 |
| 2018 |  Lisboa |
Jessica Mauboy | We Got Love | 20 | 99 | 4 | 212 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
